Sámediggi jugii stipeanddaid alla dási stuđeanttaide |
Sámediggi mieđihii oktiibuot guhtta 500 euro stipeandda sámegiela ja sámekultuvrra alla dási stuđeanttaide. Stipeanddat juhkkojuvvojedje Sámekulturguovddáš Sajosa váldogoartaváldi Keski-Suomen Betonirakenne Oy skeŋken ja sámedikki ruđain. Stipeandda ohce oktiibuot 18 stuđeantta.
Stipeanddat mieđihuvvojedje čuovvovaš stuđeanttaide: Inga Påve Idivuoma (Giron/ Sámi allaskuvla), Marjo Magga (Vuohčču/ Sámi allaskuvla), Berit Sonkamuotka (Enodat/ Oulu universiteahtta), Sierge Rasmus (Jyväskylä/ Oulu universiteahtta), Inger-Elle Suoninen (Anár/ Sámi allaskuvla), Joni Saijets (Gáregasnjárga/ Oulu universiteahtta).
Stipeanddain mearridii sámedikki skuvlen- ja oahppamateriálalávdegoddi čoahkkimistis 27.10.2013. Lávdegoddi gávnnahii iluin, ahte stipeandaohcamušat bohte ollu, sierra guovlluin, máŋggain skuvlensurggiin ja golmma riikkas. Seammás lávdegoddi šállošii dan, ahte stipeandaruhta lei unnán juohkin láhkái. |
|
Viimeksi päivitetty ( 05.11.2013 ) |