Sámediggi almmuha ohcanláhkai hálddahushoavdda mearreáigásaš virggi 1.2.2014 – 31.1.2015 gaskasaš áigái, vejolaččat guhkitge áigái. Hálddahushoavdda váldobargun lea jođihit sámedikki stivrra vuollásažžan sámedikki hálddahusa, ekonomiija ja bargoveaga, ollašuhttit sámedikki mearrádusaid sihke plánet ja ovddidit sámedikki doaimma.

Dohkálašvuođagáibádussan lea heivvolaš alit allaskuvladutkkus sihke sámeáššiid ja hálddahusbargguid dovdan. Barggu ceavzilis dikšun eaktuda buorre jođihandáiddu, hárjánumi bargoveahkahálddahusas, návcca gáibideaddji ja vásttolaš bargamii, ja maiddái buorre sámegiela ja suomagiela máhtu. Ruoŧa/dárogiela ja eaŋgalsgiela máhttu gehččojuvvojit ovdun. Bálká mearrašuvvá sámedikki bálkávuogádaga gáibádusdási II mielde (vuođđobálká 3233,46 euro/mb). Vuođđobálkká lassin máksojuvvojit 24 % sámeguovllu lassi ja bargovásáhuslasit, mat mearrašuvvet bargohárjánumi mielde. Virggi doaibmabáiki lea sámekulturguovddáš Sajosis.

Ohcamušaid mildosiiguin galgá doaimmahit sámedikki čállingoddái 13.12.2013 dmu 16.00 rádjai čujuhussii Sajos, 99870 Anár dahje šleađgapoasttain čujuhussii Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. Lassidieđuid mearreáigásašvuođas addá ságajođiheaddji Klemetti Näkkäläjärvi, tel. +358(0)50 5242109. Sámediggi lea Suoma sámiid alimus mearrideaddjiorgána. Sámediggi fállá áidnalunddot bargobirrasa ja vejolašvuođa ovddidit sámiid sajádaga álbmotlaččat ja riikkaidgaskasaččat. Sámedikki doaimmaide sáhttá oahpásmuvvat ruoktosiidduin www.samediggi.fi

 Anáris 14.11.2013 Sámediggi