Sajosa 3. klubieahket 5.12.2013 |
![]() |
![]() |
Sajosa goalmmát klubieahkeda ávvudat duorastaga 5.12.2013 diibmu 20.00 rájes. Klubieahkeda áigge oažžut návddašit ee. buori musihkas ja gullat nu sámemusihka go ritmmalaš populáramusihkage. Lávddi ala leat lohpidan ee. Tiina Aikio ja Tony Brantberg, Amoc, Malpractice sihke Out of the Woods feat. Hilda Länsman ja Janne Lappalainen. Go oaidná earáid lávddi alde, de sáhttá alddisge buollát mokta loaiddastit. Dalle oažžu gii beare gorgŋet lávddi ala ja geahččalit geasuhit guldaleaddjiid beallásis. Sajosa albma buorre čuojanasat leat muddejuvvon ja mikrofovdna vuordá su, geas lea miella rohttet vaikkoba luođi! Dárbbu mielde oažžu restoráŋŋa Gallas juoidá njálmmeguvlui.
Bileahttavuovdin Sajosis álgá diibmu 20.00. Bileahtta klubieahkedii máksá 5e. Bures boahtin!
Klubieahkeda lágidit: Restoráŋŋa Galla, Sámekulturguovddáš Sajos, Sámi oahpahusguovddáš, Sámemusihkkaguovddáš ja Álgoálbmogiid filbmaguovddáš Skábma.
Lassedieđut: Klubieahket Facebookas Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. p. +358-(0)10 839 3109
![]()
|
|
Viimeksi päivitetty ( 02.12.2013 ) |