|
Dieđáhus má. hálddahushoavdda válljemis |
|
|
|
Sámedikki hálddahushoavdan áigodahkii 1.2.2014-31.1.2015 lea válljejuvvon Pia Ruotsala, guhte lei virggi áidna ohcci. Pia Ruotsala lea sámedikki sosiála- ja dearvvasvuođačálli. Son lea doaibman má. hálddahushoavdan 18.10.2013 rájes.
Bargu lei ohcanláhkai 13.11.-13.12.2013 gaskasaš áiggi. Sámedikki bargoortnega § 7 mielde ságadoalli vállje mearreáigásaš hálddahushoavdda, go lea vuos gullan várreságadoalliid. Ságadoallit eai atnán dárbbašlažžan almmuhit virggi ođđasit ohcanláhkai.
” Lea váidalahtti ahte virgái lei dušše okta ohcci. Mearreáigásašvuohta lea goit oanehis ja bargu gáibida ollu, mii ráddjii vejolaččat ohcciid meari” Näkkäläjärvi muitalii.
Sámedikki čoahkkin dohkkehii čoahkkimisttis 18.12.2013 bargiidpolitihkalaš prográmma sihke dásseárvo- ja ovttaveardásašvuođaplánaid, maid ollašuhttin lea álgán. Seamma čoahkkima dohkkehan bušeahtta jahkái 2014 gáibida sámedikki ekonomiahálddahusa ovddideami nu ahte dat vástida ođđa bušeahtaráhkadanmeannudeami. Maiddái čuovvovaš sámedikki čoahkkima 19.2.2014 válmmaštallama galgá álggahit hálddahushoavdda jođiheami vuolde.
”Virggi almmuheapmi ođđasit ohcanláhkai ii lean dárbbašlaš ná oanehis mearreáigásašvuođas, go barggu lei ohcan virggi eavttuid deavdán ohcci. Sámedikki bargiid- ja ekonomiahálddahusa ovddideapmi dievasčoahkkima mearrádusaid mielde ja álgojagi hástalusat gáibidit, ahte mis lea sámedikki bargguid ja hálddahusa dovdi sihke virggi gelbbolašvuođagáibádusaid deavdi hálddahushoavda ollašuhttimin sámedikki mearrádusaid ja ovddideamen sámedikki doaimma. Ruotsala lea dikšon hui bures hálddahushoavdda mearreáigásaš virggi”, Näkkäläjärvi muitalii.
|
|
Viimeksi päivitetty ( 10.01.2014 )
|