Vuođđoskuvlla badjeluohkáid anárašgielat oahpahusa várás lea almmuhuvvon ođđa eatnandieđu oahppogirji ja oahppangihppa, Amerik ja Amerik Oppâmvihko. Davvisámegillii lea almmuhuvvon iežás kultuvrii vuođđuduvvi govvasátnegirji Oahpa sániid, mas leat 500 govaiguin čilgejuvvon sáni.

Amerik -oahppogirjji ja oahppangihppaga lea anárašgillii jorgalan Ilmari Mattus. Oahppogirji gieđahallá Lulli- ja Davvi-Amerihká ja dat lea jorgaluvvon suomagielat Koulun maantieto -ráiddus. Lassedieđut dás.

Davvisámegiela ja -gielat oahpahussii lea almmuhuvvon iežas kultuvrii vuođđuduvvi govvasátnegirji Oahpa sániid, man anáraš- ja nuortalašgielat veršuvnnat Oopâ saanijd ja Mattu saa´nid leat almmuhuvvon juo ovdal. Girjjiid vuođđun lea Matti Morottaja originála. Davvisámegielat girjji sátneráju lea ráhkadan Kaisa Tapiola-Länsman ja govaid Sirpa Mänty. Lassedieđut dás.

Oahppamateriálaid sáhttá diŋgot sámedikki skuvlen- ja oahppamateriáladoaimmahagas ritva.tammela(at)samediggi.fi dahje info(at)samediggi.fi.