Sámedikki nuoraidráđđi ordne 6.-7.2. Sajosis guokte beaivve bisti Sámenuoraid konfereanssa, man fáddán lea sámenuoraid identitehta ja gierdilvuohta. Almmuheapmi konferensii nohká 24.1.2014.

Eahkedis álbmotbeaivve dmu 18.00 Sajosa auditorias álgá eahketkonsearta. Lávddi alde loaiddastit Tiina Sanila-Aikio, Lars Heaika Blind, Boŋkkas, Oobižeh sihke Ima Aikio-Arianaick ja Miro Mantere.

Konseartta lea vejolaš čuovvut maiddái live-streama bokte interneahtas. Konseartta ordnemis fástidit Sámedikki nuoraidráđđi ja Sámemusihkkaguovddáš.

Konseartta maŋŋá dmu 19.30 Sajosis álgá Sámi Grand Prix –Suoma juoiganoassegilvu, mii maiddái lea guldaleaddjiide rabas ja nuvttá. Juoiganoassegilvvu dárkkuhussan lea gávdnat ovddasteaddji Guovdageainnu beassášmárkaniid Sámi Grand Prix –juoiganoasi finálii. Juoigangilvvu jođiha Niiles-Jouni Aikio.