| Olgoministtar Tuomioja galledii sįmedikkis |
|
|
|
Olgoministtar Erkki Tuomioja galledii 21.1. Anáris ja oahpásmuvai sámekulturguovddáš Sajosii ja ságastalai sámedikkiin áigeguovdilis sámeáššiin.
Sámediggi ovdanbuvttii ministarai sámedikki čoahkkima dohkkehan cealkámuša sámediggelága ođasmahttimis, Meahciráđđehuslága ođasmahttima, sámedikki ulbmiliid ILO 169-soahpamuša ratifiserema, davviriikkalaš sámesoahpamuša joatkkaráđđádallamiid ovdáneami sihke árktalaš ga˛aldagaid. Lassin sámediggi ja ministtar ságastalaigga Suoma riikkaidgaskasaš geatnegasvuođain sihke Supmii addon olmmošriekteorgánaid áv˛˛uhusaid ollašuhttimis. Nuortalaččaid luohttámušalmmái Veikko Feodoroff ja sámedikki I várreságajođiheaddji Tiina Sanila-Aikio muitaleigga nuortalaččaid sierraga˛aldagain ja nuortalaškulturguovddášfidnus.
Nuortalaččaid luohttámušalmmái Veikko Feodoroff sávvamin buresboahtima ministtar Tuomiojai Sajosis. Govas maiddái sámedikki I várreságajođiheaddji Tiina Sanila-Aikio ja II várreságajođiheaddji Heikki Paltto. Govva: Johanna Alatorvinen
” Lean duođaige ilus go ministaras lei áigi deaivvadit sámedikkiin ja eakti beroštupmi ságastallat sámedikkiin sámeáššiid birra. Ministtar bođii Anárii njuolgga Tromssas ”Arctic Frontiers” - konfereanssas. Mis lei oalle liekkus ja buorre ságastallan sámiid riektesajádagas ja árktalaš jearaldagain. Ministtar muitalii midjiide maiddái Arctic Frontiers - konfereanssa dovdamušain. Ságastis ministtar lei ovdanváldán eamiálbmotga˛aldagaid, mas lean oalle movtta” sámedikki ságajođiheaddji Klemetti Näkkäläjärvi muitalii.
Sámediggi sávai olgoriikkaministeriijas, stáhtaráđis ja ráđđehusbellodagain eavttohis doarjaga sámediggelága ođasmahttimii. ” Láhkaevttohus lea juo dál kompromissa iige dan leat vejolaš heajudit lága joatkkaválmmaštallamis. Lága ođasmahttin lea duođaige dehalaš ja dat doarjjošii Suoma riikkaidgaskasaš geatnegasvuođaid ollašuvvama. Sámediggi doarju evttohusa nuppástuhttit sápmelašmeroštallama. Dat vástida sámeservoša oktasaš áddejumi sápmelašvuođas ja sámedikki válgalogahallama dálá olbmuid ja sin maŋisboahttiid beassama sámedikki válgalogahallamii maiddái boahttevuuođas. Juos meroštallan ii rievdaduvvo, sámesearvvuš lea áitaga vuolde suddat suopmelaškultuvrai. ” Sámedikki II várreságajođiheaddji Heikki Paltto deattuhii.
Sámediggi maiddái deattuhii, ahte stáhtaráđđi galgá bargat farggamusat čovdosiid ovttas sámedikkiin vuoi ráđđehusprográmma ulbmil ratifiseret ILO 169-soahpamuša ollašuvvá dán ráđđehusáigodaga siste. ”ILO 169-soahpamuša ratifiserendoaimmaid galgá álggahit jođánit ja Suopma galgá deavdit riikkaidgaskasaš olmmošriektegeatnegasvuođaid. Jáhkán, ahte mii sáhttit beassat áššis ovttaráđálašvuhtii stáhtain. Lea dehalaš deattuhit, ahte soahpamuša ratifiseremis lea ga˛aldat sámiid eamiálbmotrivttiin, ii váldokultuvrra vuoigatvuođain. Soahpamuša ratifiseren dahká vejola˛˛an goittotge suopmelaškultuvrra ja suopmelašealáhusaid ollašuhttima sámiid ruovttuguovllus Suoma láhkaásaheami mielde áibbas nugo dálge”, Näkkäläjärvi deattuha.
Govas gurotravddas olge˛ii Veikko Feodoroff, Heikki Paltto, Tiina Sanila-Aikio, sámedikki ságajođiheaddji Klemetti Näkkäläjärvi, olgoministtar Erkki Tuomioja, kulturlávdegotti ságajođiheaddji Tauno Haltta, sámi oahpahusguovddáš vs. rektor Janne Näkkäläjärvi, ministara sierraveahkki Tarja Kantola, má. hálddahushoavda Pia Ruotsala, ministara diplomáhtaveahkki Tarja Kangaskorte ja sámedikki má. láhkačálli Kalle Varis. Govva: Johanna Alatorvinen
Meahciráđđehuslága oppalašođastus lea jođus ja lága sámiid guoski áššiid várás eana- ja meahccedoalloministeriija lea ásahan bargojoavkku, man doaibmabadji nohká guovvamánu loahpas. ”Bargojoavkku bargu lea vel gaskan. Sámedikki ja nuortalaččaid giličoahkkima ulbmilin lea, ahte Meahciráđđehuslága dárkkisteami oktavuođas lasihuvvojit sámiid váikkuhanvejolašvuođat ja mearridanváldi sámiid ruovttuguovllu eana- ja čáhceviidodagaid stivremis, mat leat stáhta hálddašeami vuolde. Midjiide lea dehalaš, ahte sámiid ruovttuguovllus leahkki stáhta vuovddit eai sirdás priváhtadoaibmiid meahccedoallogeavahussii, ja ahte sámiid guoski mearrádusaid barget boahttevuođasge sámiid ruovttuguovllu diliid dovdi virgeolbmot iige mearridanváldi sirdo oaivegávpotguvlui”, sámedikki II várreságajođiheaddji Tiina Sanila-Aikio muitalii.
Suoma árktalaš strategiija oasil sámiid ovddasteaddjit leat fuolastuvvan deattuhusaid nuppástuvvamis. Janne Näkkäläjärvi ovdan buvttii fuola ekonomalaš-politihkalaš intreassaid lassáneami váikkuhusain árktalaš guovllu lundui ja eamiálbmogiid eallinvejolašvuođaide. ”Árktalaš guovllu hálddahusa ovddideapmi lea hirbmat dehalaš ja lea vealtameahttun, ahte Suoma árktalaš politihkka vuođđuduvvá suvdilis ovdáneami prinsihpaidda ja eamiálbmogiid eallinvejolasvuođaid seailluheapmái árktalaš guovlluin. Sámit háliidit buktit ie˛aset oasálašvuođa dán prosessii”, sámi oahpahusguovddá˛a vs. rektor Janne Näkkäläjärvi deattuhii.
”Nuortalaččaid giličoahkkima, nuortalaškulturvuođđudusa ja sámedikki oktasaš ulbmilin lea oa˛˛ut nuortalaškulturguovddá˛a Čeavetjávrái. Guovddáš doarjjošii nuortalašguovllu eallinfámu sihke buoridivčče nuortalašgielat bálvalusaid ja dagašii vejola˛˛an doalahit nuortalaškultuvrra. Sávvat ahte stáhtaráđđi juolludivčče ruđaid nuortalaškulturguovddá˛ii nu jođánit go vejolaš. Nuortalašgiela ja nuortalaškultuvrra boahttevuođa sihkkarastin eaktuda stáhtas sierradoaimmaid. Maiddái riikkaidgaskasaš olmmošriekteorgánat leat eaktudan Suoma sihkkarastit nuortalašgiela seailuma. Giela ja kultuvrra boahttevuođa sihkkarastin ii oaččo leat ruđas gitta”, nuortalaččaid luohttámušalmmái Veikko Feodoroff muitalii.
Lassidieđut:Ságajođiheaddji Klemetti Näkkäläjärvi
|
|
| Viimeksi päivitetty ( 21.01.2014 ) |