| Eana- ja meahccedoalloministtar Koskinen deaivvadii sįmedikki stivrrain |
|
|
|
Eana- ja meahccedoalloministtar galledii Sajosis 28.1.2014 ja deaivvadii sámedikki stivrrain. ”Ministtar Koskinen lei bivdán deaivvadeami ja son háliidii ságastallat erenomá˛it sámediggelága ođasmahttimis, Meahciráđđehuslága ođasmahttimis sihke sámedikki ovttasbarggus Meahciráđđehusain ” ságajođiheaddji Näkkäläjärvi muitalii.
Sámediggi ovdanbuvttii ministarai sámedikki čoahkkima dohkkehan cealkámuša sámediggeláhkabargojoavkku evttohusas sihke áigeguovdilis ovddidanfidnuid.
Govas gurotravddas má. hálddahushoavda Pia Ruotsala, stivrra lahttu Anna Morottaja, II várreságajođiheaddji Heikki Paltto, I várreságajođiheaddji Tiina Sanila-Aikio, ságajođiheaddji Klemetti Näkkäläjärvi, eana- ja meahccedoalloministtar Jari Koskinen, stivrra lahttu Ilmari Tapiola ja má. láhkačálli Kalle Varis. Govva: Johanna Alatorvinen.
” Buvttiimet ovdan dan, ahte sámekultuvrra galggašii suodjalit sierralágas, nugo boazodoallo-, guolástan- ja meahcástanlágain. Bajiideimmet ovdan maiddái dárbbu ođasmahttit boazodoallolága vástidit Suoma vuođđolága ja riikkaidgaskasaš geatnegasvuođaid. Boazodoallolágas galgá dovddastit sámi siida-mállesaš boazodoalu. Sávaimet ahte stáhtaráđis dahkkošedje jođánit čovdosat ILO 169-soahpamuša olis. Sámit ja olles riikkaidgaskasaš searvvuš vurdet Suoma viimmatge ollašuhttit riikkaidgaskasaš geatnegasvuođaid.” sámedikki II várreságajođiheaddji Heikki Paltto muitalii. Ráđđádallamiin bođii ovdan maiddái Suoma ja Norgga Deanu soahpamuša ođasmahttin.
” Evttoheimmet ministarai ahte ráđđádallansáttagotti doarjjan nammaduvvo sámekultuvrra, Deanu sierradiliid ja bivdovuoigatvuođaid dovdi áššedovdi, mii čielggadivčče stáhtasoahpamuševttohusa váikkuhusaid Deanu sámiide” stivrra lahttu Ilmari Tapiola muitalii. Sámedikki stivra ja ministtar Koskinen ságastalaigga maiddái nuortalaškulturguovddá˛is.
”Nuortalašáššit leat lága mielde eana- ja meahccedoalloministeriija vuollása˛˛an. Evttoheimmet, ahte nuortalaškulturguovddá˛a álgui bidjamii gávdno jođánit ruhtadeapmi. Nuortalaškultuvrra sihkkarastin eaktuda sierradoaimmaid, ” Tiina Sanila-Aikio muitalii.
” Sámediggi lea ilolaš ahte ministtar háliidii deaivvadit sámedikki stivrrain ja ságastallat áigeguovdilis sámeáššiin. Ministtar lei duhtavaš ahte ovttasbargu Meahciráđđehusain doaibmá bures. Sámedikki fuollan lea dat, mo meahciráđđehusa hálddašanmálle ođastus boahtá váikkuhit sámedikki ja Meahciráđđehusa gaskasaš ovttasbargui boahttevuođas. ”ságajođiheaddji Näkkäläjärvi muitalii.
Saamelaiskäräjien muistio maa- ja metsätalousministeri Koskiselle |
|
| Viimeksi päivitetty ( 28.01.2014 ) |