| Ođđa girji logahaga davvisámegiela eatnigiela oahpahussii almmuhuvvui |
|
|
|
Logahaga davvisámegiela eatnigiela oahpahusa várás lea almmuhuvvon ođđa oahppogirji Giela geainnut 2. Girji lea oaivvilduvvon eatnigiela ja girjjálašvuođa oahppoávdnasa nuppi gurssa várás. Gurssa oaivedeaddu lea teavsttaid ráhkadusain ja mearkkašumiin. Girji čuovvu logahaga eatnigiela riikkaviidosaš oahppoplána.
Logahaga eatnigiela oahpahusas sámegiela ja -kultuvrra lassin deaddu lea girjjálašvuođas ja dan dulkomis. Oahppit ohppet čállit máŋggalágan čállosiid ja dađistaga maiddái ođđa vugiid ja geahččanguovlluid teavsttaid analyseremii ja dulkomii.
Girjji leat čállán Marjaana Aikio, Helmi Länsman, Maarit Magga ja Elen Anne Sara. Tania-Maria Moilanen lea ráhkadan girjji sárgumiid ja Svea Päiviö hábmen girjji gráfalaččat. Giela geainnut 2 lea joatkka jagis 2012 almmuhuvvon seammánammasaš vuosttaš gurssa oahppogirjái.
Lassedieđut dás. |
|
| Viimeksi päivitetty ( 07.02.2014 ) |