Lohosierâ 2, kiđđâ lea jorgaluvvon WSOY Matikka-nammasaš ráiddus, mii šaddá almmuhuvvot ollasit anárašgillii. Davvisámegielat Lohkoleaika -nammasaš jorgalus ráiddus lea juo skuvllaid anus. Lohosierâ 2 -girjji lea jorgalan Iiris Mäenpää. Lassedieđut dás .

Bluppe-ráiddus davvisámegillii almmuhuvvon ođđa girjjit Bluppe mállásat, Bluppe ja albbas, Bluppe ja ealga, Bluppe ja guovžžačivggat ja Bluppe ja goddesáhpánat heivejit siidolohkamuššan sihke sámegielat ja eatnigiela ja vieris giela oahpahussii. Máinnašuvvon girjjiid lassin almmuhuvvui ođđa preanttus Bluppe ja miessi -girjjis. Ođđa girjjiid lea ruoŧagielas jorgalan Hannu Kangasniemi. Giela lea dárkkistan Jovnna Ánde Vest. Bluppe -girjjiid lea álgoálggus čállán Inga Borg. Lassedieđut dás .

 

Sámediggi lea almmuhan oktiibuot gávcci ođđa oahppamateriála jagi 2014 vuosttaš vahkuid áigge. Čuovvovažžan prentehusas vurdojuvvo ođđa preanttus Girjegiisá Oy álgoálggus jagi 1993 almmuhan Pekka Sammallahti Sámi-suoma-sámi sátnegirjjis.

 

Sámedikki almmuhan oahppamateriálat leat fidnemis Sámi duodjegávppis Sajosis Anáris, searvvi  fiermegávppis dahje  sámedikki skuvlen- ja oahppamateriáladoaimmahagas ritva.tammela(at)samediggi.fi.