Jagis 2013 nohkan SaKaste- fidnu bohtosat leat dál neahtas buohkaid geavaheamis. Fidnu ovddidanbarggu boađusin dahkkojuvvojedje rávagirjjážat sámi boarrásiid- ja árrabajásgeassinbargui.

SaKaste- Sámi sosiála- ja dearvvasvuođabálvalusaid ovddidanráhkadus-fidnu čađahuvvui jagiin 2011 -2013. Fidnu lei oassi PaKaste 2 – Davvi guovllu Kaste-fidnus.

SaKaste- fidnu áigge buoriduvvui sámegielat ja kultuvrii vuođđuduvvi bálvalusaid kvalitehta, váikkuheaddjivuohta ja oažžun. Figgamuššan lei maid geahpedit guovlluguovdasaš earuid láhčimiin sámegielat ja sámekultuvrii vuođđuduvvi buriid bargometodaid ja doaibmamálliid.

Ovddidanbargoproseassa áigge sápmelaš bargiid iežaset ámmátidentitehta nanosmuvai ja sin gaskasaš áššedovdifierpmádat viiddui. Ovddidanbargu dahkkojuvvui proseassalundosaččat ja dan vuođđun lei sámekultuvra. Sámi árrabajásgeassima ja boarrásiidbarggu sámegielat bargoveahka doaimmai bargojoavkobargama áigge ovddidanáššedovdin.

Loga lasi