Sámenuoraid dáiddadáhpáhus lahkona |
![]() |
![]() |
Sámenuoraid dáiddadáhpáhus ordnejuvvo dál vuosttas geardde Soađegili girkosiiddas gieldda ođđa lihkadanhállas. Almmuheamit leat boahtán sullii 300 oahppis viđanuppelohkái sámeguovllu skuvllas ja maiddái oaivegávpotguovllus. Soađegili dáhpáhussii vurdojuvvojit ovddit jagiid ládje oktiibuot 400 olbmo.
Sámenuoraid dáiddadáhpáhusat leat ordnejuvvon 1970-logu álgogeaži rájes ja máŋggat otnáš sámedáiddáriin leat loaiddastan vuosttas geardde dáiddadáhpáhusas. Sámenuoraid dáiddadáhpáhus lea áidna jahkásaččat ordnejuvvon sámegielat nuoraid dáhpáhus Ijahis Idja – musihkkafestivála mánáid- ja nuoraidbeaivvi lassin.
Maiddái dán jagi leat guokte temá: dánsun ja govva. Dánsuntemá lea riikkaviidosaš ja Soađegilis válljejuvvot sámenuoraid ovddasteaddjit Nuorra Kultuvra – vuođđudusa ordnen SOTTIISIMOVES – dáhpáhussii Tamperes. Sápmelaš temán lea govva eallis. Govvagilvvus leat guokte ahkeluohká: nuoramusat sárgot ja málejit, boarráset ahkeluohká nuorat oassálastet čuovgagovvagilvui. Gilvvohallamii oastalasti govat leat oidnosis Soađegili dáiddadáhpáhusas.
Dánsungilvui leat boahtán 8 almmuheami, ja govat leat boahtán sullii 100. Dán jagáš dáhpáhussii oassálastet maid mánát ja nuorat oaivegávpotguovllu City-sámit -searvvis.
Sámenuoraid dáiddadáhpáhusa váldoordnejeaddji lea Sámediggi. Eará ordnejeaddjit leat Soađegili gielda ja Vuohču Sámiid Searvi. Dáhpáhus dollojuvvo vuoruid mielde sámeguovllu gielddain, ja oktii leat dáhpáhusa ordnen maiddái sámeguovllu olggobealde 2010:s Roavvenjárggas. Jagi 2015 ordnenvuorru lea Ohcejogas, gos riikkaviidosaš temán lea musihkka.
Dánsungilvvu lassin Soađegilis leat maiddái dánsa-, musihkka- ja ealligovvačájáhusat. Sámenuoraid iežaset radiošovva Sohkaršohkka lea báiki nalde! Dáhpáhusa teknihka fuolaha sámemusihka buvttadeaddji Tuupa Records.
![]() Dáiddadáhpáhus álggahuvvo Soađegili lihkadanhállas duorastaga 27.3. diibmu 11.00. BURES BOAHTIN ČUOVVUT SÁMENUORAID MOVTTEGIS ÁVVUDEAMI!
Lassedieđut:
Magreta Sara
magreta.sara(at)samediggi.fi
tel. 010 839 3188, 050 363 7400
www.samediggi.fi
Dáiddadáhpáhus Facebookas
www.sottiisimoves.fi
|
|
Viimeksi päivitetty ( 18.03.2014 ) |