Sámeministarat Norggas, Ruoŧas ja Suomas ja dáid riikkaid sámediggepresideanttat leat ásahan davviriikkalaš sámi giellabálkkašumi – Gollegiella. 

Bálkkašumi sturrodat lea 15 000 euro, mii juhkkojuvvo ovttaskas olbmuide, joavkkuide, organisašuvnnaide dahje ásahusaide, geat bures ja erenoamážit leat ovddidan sámegiela. Bálkkašupmi addojuvvo juohke nuppi jagi vuoitái Suomas, Ruoŧas, Ruoššas ja/dahje Norggas. Bálkkašupmi geigejuvvui vuosttaš geardde jagi 2004.

Giellabálkkašupmi geigejuvvo dál guđát geardde čakčat 2014 sámeministariid ja sámediggepresideanttaid jahkásaš čoahkkimis Helssegis. Ovttaskas olbmot, organisašuvnnat, ásahusat ja eiseválddit Norggas, Ruoŧas, Suomas ja Ruoššas sáhttet evttohit kandidáhtaid giellabálkkašupmái jagi 2014. Sádde evttohusa oktan čálalaš ákkastallamiin, mii sáhttá leat eanemusat 1-2 siiddu, maŋimustá miessemánu 30. beaivve 2014. Árvvoštallanlávdegoddi vállje giellabálkkašumi vuoiti. 

1) Gulahus 2014

2) Giellabálkkašumi njuolggadusat

3) Giellabálkkašumi duogáš ja vuoitit jagi 2004 rájes

Lassidieđut:

Ellen Pautamo, ellen.pautamo(at)samediggi.fi

Tel. 358108393100