Váidalusaid sáhttet dahkat eaŋkalolbmot dahje priváhtaolbmuid joavkkut, geat čuoččuhit máinnašuvvon soahpamušriikka loavkidan sin oktasašsoahpamušas dovddastuvvon ekonomalaš, sosiálalaš ja čuvgehušlaš vuoigatvuođaid, ( 2 artikla).  Váidalusat dahkkojuvvojit TSS-komiteai (1 artikla). TSS-soahpamuša 1 artikla maiddái dáhkida iešmearridanvuoigatvuođa. Soahpamuša artikla 15 dáhkida juohkehažžii vuoigatvuođa oassálastit kultureallimii, návddašit dan ovdduin sihke návddašit dieđalaš, girjjálaš dahje dáiddalaš buktagiid heakkalaš ja ávnnaslaš ovdduide addojuvvon suojis.

TSS-komitea lea addán ovddit ávžžuhusa Supmii jagi 2007 . Jagi 2007 komitea lea ávžžuhan Suoma, ahte Suopma ollašuhttá buot dárbbašlaš doaimmaid, main sihkkarastojuvvo, ahte vuovdečuollamat ja eará doaimmat, maid priváhta olbmot dál ollašuhttet sámiid ruovttuguovllus, eai gáržžit sámiid vuoigatvuođa doalahit ja ovddidit árbevirolaš kultuvrra ja eallinvuogi, erenoamážit boazodoalu, eaige sin ekonomalaš, sosiálalaš ja čuvgehuslaš vuoigatvuoiđaid geavaheami.

 

Lassin komitea ávžžuha soahpamušriikka – ráđđádallamiin áššis čavga buot oassebeliiguin, sámedikki mielde maid- gávdnat áššáigulavaš čovdosa gažaldahkii eanaoamsteamis ja –geavaheamis sámiid ruovttuguovllus sihke ratifiseret farggamusat iehčanas riikkaid eamiálbmogiid guoski ILO:a oktasašsoahpamuša Nr 169.

Suopma attii guđát raportta  TSS-soahpamuša ollašuhttimis Suomas 5.7.2011. Raporta gieđahallojuvvo komitea 53. čoahkkimis Geneves skábmamánus 2014. Sámediggi lea addán čealkámuša TSS-soahpamuša ollašuhttimis Suomas jagi 2010 .