| Ijahis idja lágiduvvo borgemánus oktanuppelogát geardde |
|
|
|
Jagi 2014 eamiálbmogiid musihkkadáhpáhus Ijahis idja lágiduvvo dasa stáđásmuvvan áigge borgemánu gaskka muttus Anáris, Sámekulturguovddáš Sajosis. Festivála dáhpáhusbeaivvit leat 15–17.8.2014 ja dáhpáhusa dán jagaš temá lea “Jávrebiekkat”.
Oktanuppelogát geardde lágiduvvon dáhpáhusas bajiduvvojit ovdan smávva sámi vehátlogut dahje nuortalaččat ja anáraččat sihke sin musihkka- ja dánsaárbi, dego nuortalaškatrilla, livđe ja leu´dd.
Ijahis idja lea áidna sámemusihkkafestivála oppa Suomas ja das lea gulul šaddan okta dehálamos Davvi-Sámi geassedáhpáhusain. Diibmá logijagaš mátkki ávvudan festiválii sihke dan siidodáhpáhusaide oassálaste guovtti beaivvi áigge oktiibuot 2800 fidni. Jagi 2014 Ijahis ija prográmmii gullet nu árbevirolaš sámemusihka čehpiid loaiddasteamit, šaddi sámeartisttaid konsearttat, mánáid prográmma, eamiálbmotgussiid musihkkaloaiddasteamit sihke sámemusihkka klubbaeahkedat. Okta festivála konsearttain lágiduvvo Sajosa auditorias, muhto muđuid dáhpáhus ollašuhttojuvvo árbevirolaš vuogi mielde olgoáibmofestiválan. Festivála prográmma nannejuvvo álgogease ja dat almmustahttojuvvo ollásit geassemánu áigge ee. dáhpáhusa iežas neahttasiidduin čujuhusas www.ijahisidja.fi
Ijahis ija lágidit ovttasbarggus Anára Sámisearvi ry, Sámediggi, Sámiid oahpahusguovddáš, YLE Sápmi, Anára gielda, Dáidaga ovddidanguovddáža Lappi doaibmasadji ja Hotealla Kultahovi.
Lassidieđut:
Anu Magga Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. t. 050 567 2204 |