Sámiid kultur- ja giellabeasse doaimmaide sámiid ruovttuguovllus 550 000 euro PDF Tulosta
Riikkabeaivvit dohkkehii stáhta jagi 2014 bušeahtas sierramearreruđa sámiid kultur- ja giellabeassedoibmii sámiid ruovttuguovllus. Ruhtadeapmi juhkkojuvvo sámedikki bokte doaimma ordnejeaddji surggiide. Oahpahus- ja kulturministeria mieđihii sámediggái stáhtadoarjjan 550 000 euro anárašgiela, nuortalašgiela ja davvisámegiela giellabeassedoaimmaide.

 

Giellabeassi lea eamiálbmoga mánáide oaivvilduvvon dikšobáiki, gos buot doaibma dáhpáhuvvá álggu rájes dušše beare sámegillii. Doaibma čađahuvvo nu ahte lágiduvvo vuollái skuvlaahkásaš mánáide sámegielat beaivedikšu dahje rabas árrabajásgeassindoaibma sihke skuvlalaččaide veaigebeaidoaibma giellalávgunmetoda geavahemiin.

 

Sámiid giellabeassedoaimma stáhtadoarjagat jagis 2014:

1. Nuortalašgiela giellabeassi, Avvil 75 650 €

2. Nuortalašgiela giellabeassi, Čeavetjávri 78 428,60 €

3. Anárašgiela giellabeassi I, Anár 84 728,25 €

4. Anárašgiela giellabeassi II, Avvil 73 746,25 €

5. Anárašgiela giellabeassi III, Anár 104 920 €

6. Davvisámegiela giellabeassi, Vuohčču 69 958,40 €

7. Davvisámegiela giellabeassi, Gáregasnjárga ja Ohcejohka 62 568,50 €

 

Lassediehtu: Pia Ruotsala, má hálddahushoavda, Sámediggi, 040-7262688, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

Viimeksi päivitetty ( 23.04.2014 )
 
‹‹Takaisin