Plakáhtaid lassin cuoŋománus lea almmustuvvan maiddái ođasmahttojuvvon preanttus Elna Magga ja Päivikki Nillukka-Rauhala Giellaleaika -nammasaš davvisámegiela 2. luohká eatnigiela girjjis, masa govaid lea ráhkadan Merja Aletta Ranttila.

 

Pekka Sammallahti Sámi-suoma-sámi sátnegirjjis lea maid almmustuvvan ođđa preanttus. Ovddit lassepreanttus almmustuvai guovvamánus ja vuvdojuvvui gitta maŋimučča rádjái johtilit. Sámediggi almmuhii dál ođđa prentosa, mii lea sisdoalu dáfus ja gráfalaččat seammálágan go ovdal almmuhuvvon preanttus. Girjegiisá Oy almmuhii girjji vuosttaš prentosa jagis 1993. Sátnegirjji sámi-suoma oasis leat badjelaš 12.000 sáni, suoma-sámi oasis fas badjelaš 20.000 sáni. Girji lea fidnemis Sámi duodjegávppis Sajosis Anáris ja ovttastusa fierbmegávppis . 

 

Buot oahppamateriálat, maid sámediggi lea almmuhan, leat fidnemis maiddái sámedikki skuvlen- ja oahppamateriáladoaimmahagas ritva.tammela(at)samediggi.fi.