Sáme dujiid bargobájit lágiduvvojit Sajosis juo nuppe geasi |
![]() |
![]() |
Anára gilis sámekulturguovddáš Sajosis ollašuhttojit juo nuppe geasi árbevirolaš ja vehá modearnage sámeduoji bargobájit dán gease. Bargobájiin árbevirolaš dujiin beroštuvvan mátkkálaččat besset ieža duddjot sámedujiid mátkemuitun ja seammás oahppat sámedujiid historjjá ja árbevieruid birra.
Duodjebájis áššehasat ožžot válljet sierra duodjemolssaeavttuin mielamiela ja duddjot duoji duojára bagadallama vuolde alcceseaset mátkemuitun. Duddjoma olis duojár muitala sámedujiid historjjás ja árbevieruin sihke iežas duddjonvugiin.
Duodjebájit leat oassi Sajosa kultuvrralaš sisdoallobuvttadan ovddideami. Duodjebájiid ulbmilin lea lasihit sámedujiid dovdama ja dan bokte lávdadit dieđu sámiin eamiálbmogin. Duodjebájit ollašuhttojit oktasašbarggus Sajosa sámedujiid gávppiin, Duodji Shopiin.
Dujiin leat guhkes árbevierut ja almmolaččat sáme giehtaduodjin áddejit geavahandárbašiid, dego biktasiid, bargoneavvuid , gievkkandárbašiid, bivdobiergasiid ja čiŋaid. Maiddái dán áigge dujiid árbevierut leat luonddumateriálain, dujiid duddjojit boares árbevieru mielde heivehemiin ođđa bargovugiide ja ođđa geavahussii iešguđege guovllus.
Sajosis áššehas sáhttá duddjot geasi áigge iežas áigetávvala olis dadne- dahje bearalgiehtarieggá, čuldon bátti, láđđis duddjojun seahka dahje lávkka ja sisteseahka. Duodjebájit ollašuhttojit Sajosa čuvges váldoboahtagis mávssu vuostá. Joavkkut galget várret iežaset bargobádjeáiggi, vai sidjiide sáhttá lágidit dárbbu mielde lassioahpaheaddjiid.
Sajosa duodjebájit ollašuhttojit áiggis 1.7. - 15.8.2014 árgan dmu 11-17.
Sajosa geasse rabasáiggit:
Sajosa info: má-be dmu 9-17 Duodji shop: má-be dmu 10-17 Sámegirjerádju: má-di dmu 13-19, ga-du dmu 10-17, be 10-16
Johanna Alatorvinen, márkanastinhoavda, Sámekulturguovddáš Sajos, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , tel 010 839 3109, www.sajos.fi
Aune Musta, beaivválaš jođiheaddji, Duodji Shop, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , tel. 0400-637178, www.samiduodji.com
|
|
Viimeksi päivitetty ( 23.05.2014 ) |