| Sámediggi bálkkaii nuorra govvadáiddáriid ja govvideaddjiid |
|
|
|
Sámediggi bálkkašii 15 nuorra govvadáiddára ja vihtta nuorra govvideaddji skuvllaid giđđafeasttain. Nuorat oassálaste sámenuoraid dáiddadáhpáhusa oktavuođas njukčamánus dollojuvvon govvagilvui, man fáddán lei ealli.
Sámenuoraid dáiddadáhpáhusas Soađegilis 27.3. 2014 lei temán dánssa lassin málen/tevdnen- ja čuovgagovvagilvu, mas fáddán lei ealli. Dáiddagovat bohte oktiibuot 184 stuhka ja čuovgagovat 50 stuhka. Dáiddár Merja Aletta Ranttila, vá. sámedáidaga leanadáiddár Tanja Sanila ja dáiddár-dáidaoahpaheaddji Korinna Korström-Magga válljejedje 15 nuorra govvadáiddára ja 5 govvideaddji, geaid sámediggi bálkkašii stipeanddaiguin skuvllaid giđđafeasttain.
Bálkkašuvvon govvadáiddárat leat Kalle Tarsa ja Arttu Poikela Soađegilis Aleksanteri Kena skuvllas, Berit Juliánná Hetta, Sara-Elina Valkeapää ja Elen-Anne Juuso Gárasavvona skuvllas, Jenni-Kaisa Miettunen Vuohču skuvllas, Saku Harju ja Riikka Oilio Bealdovuomi skuvllas, Aapo Valle Gáregasnjárgga skuvllas, Marielle Näkkäläjärvi Heahtá skuvllas, Jaakko Huru Dearpmáa skuvllas, Diana Kangasniemi ja Rufina Kangasniemi Anára skuvllas sihke Launa Kuukasjärvi ja Per-Jona Labba Gilbbesjávrri skuvllas.
Bálkkašuvvon govvideaddjit leat Tuomas Vest, Sara Keränen, Eemeli Kokkonen ja Harri-Aslak Jomppanen Anára skuvllas sihke Áile Keskitalo Vuohču skuvllas.
Sámediggi sávvá olu lihku bálkkašuvvon nuoraide ja giitá buot oasseváldiid! Bálkkašuvvon govat čájehuvvojit sámedikki ruovttosiidduin čujuhusas www.samediggi.fi /Doaibma/Nuoraid dáiddadáhpáhus, |
|
| Viimeksi päivitetty ( 30.05.2014 ) |