| Ijahis idja rocke, juoigá, lávlu, dánsu ja ráppe borgemánus |
|
|
|
Eamiálbmogiid musihkkafestivála Ijahis Idja ordnejuvvo Anáris borgemánus. Festivála prográmma lea almmustahtton. Prográmma lea vuohon máŋggabealat, ja dat čalmmustahttá erenomáit nuortalaš ja anáraš musihka- ja dánsun árbevieruid. Dáhpáhusa váldonástin lea Mari Boine, gean dihtet máilmmi dovdoseamos sápmelaan.
Festivála eamiálbmotguossi Veronika Usholik boahtá Gubernator- joavkkuin Anárii Sibiriijas, Tsukotka njárggas. Dán lassin dáhpáhusas besset návddašit suopmelaš-senegalaš Sila Fato- joavkku movttegis musihkas. Prográmmas leat maiddái sámemusihka konsearttat, mánáid prográmma, árbevirolaš luohti, anáraš livđe, nuortalaš leu’dd, nuortalaš katrilla, klubbaeahkedat, main lea sámemusihkka guovddáis ja olles eahkeda duodjemárkanat.
Dáhpáhus álgá bearjadaga 15.8. sámekulturguovddáš Sajosis juo árbevierrun šaddan mánáid- ja nuoraidbeivviin, goas ohppiin lea vejolašvuohta oassálastit musihkkabargobájiide sihke loaiddastit Ijahis ija násttáat –konsearttas. Mánáid- ja nuoraidbeaivve leat sámeohppiide oaivvilduvvon musihkkabargobájit, ja buohkaide rabas ja nuvttá Ijahis Ija násttáat-konsearta. Mánáidkonsearttas besset guldalit mánáid konsearttaid lassin eamiálbmotgussiid. Bearjadaga klubba-eahket ordnejuvvo Hotealla Kultahovis, gos musihka čuojaha DJ Oula ja anárašgielat ráppejeaddji Amoc.
Lávvordaga festivála prográmma álgá Sajosa auditorios Fossekallen-goara konsearttain. Fossekallena accapella goarra boahtá Neidenis, ja das leat lagabui golbmalogi movttegis suopmelaš, norgalaš ja ruošša goarralávlu. Ijahis Ijas goarra earret eará leu’dde iešlágálaš vugiin.
Goarrakonseartta maŋŋá festivála joatkašuvvá Sajosa šiljus olggu ovddas. Mari Boine lassin dáhpáhusas loaiddasta earret eará kárášjohkalaš Felgen Orkester, mii juoigá ja čuojaha lotkes davvisámegielat poprock. Eahkeda máŋggabealageamos konseartta čuojaha Tuupa Houseband ieas sámeartisttaiguin. Tuupa konsearttas lávdde nala bohtet Ailu Valle, Amoc, Tiina Sanila-Aikio, Ulla Pirttijärvi-Länsman, SomBy ja Niillas Holmberg. Árbevirolaš luođis, livđes ja leu’ddis besset návddašit Petra Magga-Varsiin, Matti Morottajain, Tiina-Sanila Aikioin ja Johan Anders Baeriin Jávrebiekkat-konsearttas. Dáhpáhusas lea maiddái anárlaš Aila-duo, mii vuittii jagi 2014 Sámi Grand Prix gilvvu lávlunoasi ráfálaš anárašgielat bihtáin Naharij kandâ.
Lávvordaga klubba-eahket ordnejuvvo maiddái hotealla Kultahovis, gos musihkka čuojaha DJ Ovllá. Lávvordaga dáhpáhusa sáhttá čuovvut livestream-neahttasáddaga bokte, man ordne Sámi oahpahusguovddáš.
Ijahis ija ordnejit ovttasbarggus Anára Sámisearvi ro, Sámediggi, Sámi oahpahusguovddáš, Yle Sápmi, Lappi dáiddadoaibmagoddi, Hotealla Kultahovi ja Sajosa restauraŋŋá.
Govvamateriála gávdno čujuhusas: www.ijaisidja.fi
Lassedieđut: Sámediggi/ sámi musihkkaguovddáš
Anu Magga Unna-Maari Pulska
Buvttadeaddji Veahkkebuvttadeaddji
anu.magga(at)samediggi.fi unna-maari.pulska(at)samediggi.fi
tel.+ 358 50 567 2204 tel. + 358 50 439 8557
|
|
| Viimeksi päivitetty ( 19.06.2014 ) |