Oahpahus- ja kulturministeriija juolludii Sámediggái stáhtadoarjaga sámi filmmaid doarjumii. Sámi filmmat galget leat mielde jagi 2015 Berlina filbmafestiválas (Berlinale).

Buvttadandoarjjaohcamušat bohte oktiibuot 12, oktiibuot 470 201 euro ovddas. Buvttadandoarjaga juolludeamis mearridii sámedikki kulturlávdegoddi čoahkkimisttis 25.6.2014.

Buvttadandoarjaga ožžo:

Buvttadanfitnodat Oktober Oy/ Katja Gauriloff, 69 125 €

Mannu mie´cc Kaisja/Kuun metsän Kaisa/Kaisa´s Enchanted Forest

Dokumentárafilbma Mannu mie´cc Kaisja (Mánu meahci Kaisa) poehtalaš suokkardallan nuortalaš legendáralaš máinnasteaddji Kaisa Gauriloff ja sveitsalaš girječálli Robert Crottet'a eallima guhkkosaš ustitvuođas. Filmmas čatnasit oktii Kaisa muitalan legendat ja nuortalaččaid galgamuša bottut nuppi máilmmisoađi rievdadettiin máilmmi. Kaisa Gauriloff lea filmma bagadalli máttaráhkku.

Aslak Paltto, 15 000 €

Boazodoalli Čalmmiiguin/Poromiehen silmin

Dokumentárafilmma ulbmilin lea leahkkut boazodoalli árgabeaivvi sidjiide, geas ii leat vejolašvuohta dan muđui oaidnit. Dalá boraspiriid mearri lea laskan maŋemuš guovtti jagi áigge. Dain vahágiin stuorámus oasi dagaha geatki. Geatki lea leamaš áibbas ráfáidahtton ealli jo 30 jagi. Dokumentára gieđahallá boazodoalli oainnus buot dan mii luonddus dáhpáhuvvá. Dilli lea dál nu vearrái, ahte boazodoallit gáibidit geatki ollislaš ráfáidahttima heaittiheami, amas stuorit vahágat vel šattaše.

Jouni West, 9 375 €

Guolli

Oanehis animašuvdnafilbma unna lunttaža vásáhusain, eallimis ja jápmimis. Dat lea bagadalli mánnávuođamuitu guollesállašiin ja das movt son vikkai goddit guoli nu mo lei oaidnán áhččis goddimin guliid. Vieljažat leat Deatnogáttis. Unnavieljaš oaidná go stuorravielja rohtte eallimis vuosttáš guoli gáddái, Soai leaba guktot hui movtta…

Lassedieđut:

vs. kulturčálli Marjukka Helander

marjukka.helander(at)samediggi.fi, tlf. 010 839 3103