Sámediggi nannii jagi 2013 ruhtadoalloloahpaheami |
![]() |
![]() |
Sámedikki čoahkkin nannii jagi 2013 ruhtadoalloloahpaheami. Ruhtadoalloloahpaheapmi lei 43 176,06 euro.
Sámedikki čoahkkin lei váldán bušehttii jáhkái 2013 71 000 euro vuollebázat bušeahta. Áitosaš doaimmaid vuoittut ledje 5 886 066,90 euro ja golut -5 842 487,75 euro. Sámedikki goluin fásta (bargoveahka- ja doaibmasadjegolut) leat 85 %.
Sámedikki áitosaš doaimma boađus lei 55 338,13 euro. Áitosašdoibmii gullet vuoigatvuohtaministeriija dábálaš stáhtadoarjaga geavaheapmi, sámi giellaoktasašbargu, nuoraidráđi doaibma, sámenuoriad dáiddadáhpáhus ja davviriikkalaš sámesoahpamuš. Sámekulturguovddáš Sajosa bálvalusovttadat, mii dikšu Sajosa bálvalusvuovdima ja kulturguovddáža doarjjabálvalusaid, dagai dáhpaga -8 448,68 euro.
Sámedikki ruhtadoallodárkkisteaddjit leat ruhtadoallodárkkistanmuitalusas gávnnahan, ahte sámedikki ekonomiija ja hálddahusa leat dikšon lágalaččat ja mearrádusaid mielde.
Sámedikki jagi 2013 doaibmačilgehusas leat gieđahallon viidát sámedikki iežas doaimmat ja bušeahttajáhkái ja válgabadjái ásahuvvon ulbmiliid ollašuvvan. Sámediggi lea ođasmahttán doaibmačilgehusa ráhkadanvuogi. Sámediggi attii jagi 2013 198 earálagan árvalusa dahje čállosa. Dáin 154 ledje cealkámušat, 4 evttohusat ja 40 muittuhančállaga dahje váidagat.
Sámedikkis ledje oktiibuot 83 ovddasteaddji eará bargojoavkkuin. Sámediggi ráđđádalai čilgehusjagi sámediggelága § 9 mieldásaš ráđđádallamiid ministeriijaiguin 3 geardde ja eará eiseválddiiguin 4 geardde. Lassin sámedikkis ledje geardelunddogat čanusjoavko- ja ovddastandeaivvadeamit 65 geardde.
Nuppi doaibmajagi Sajosis fidne s. 12 000 čoahkkin- ja dáhpáhus-áššehasa. Sajosis lágidedje čilgehusjagi áigge 40 álbmotdáhpáhusa.
Čilgehusjagi sámedikkis ledje jođus 7 sierra prošeavtta, main sápmelaččaid sosiála- ja dearvvasvuohtabálvalusaid ovvidanráhkadus– fidnu nogai jagi 2013.
Jahkái 2013 ledje meroštallon guhtta váldoulbmila: sámediggelága ođastus, ILO 169-soahpamuša ratifiseren, davviriikkalaš sámesoahpamuš, sámegielaid ealáskahttinprográmma ja biodiversitehtasoahpamuša artihkal 8(j) ollášuhttin, oaiveministtar Jyrki Katainena ráđđehusprográmma sámegirjemiid ovddideapmi sihke sámedikki bargoveahkapoltihkalaš prográmmaid dohkkeheapmi. Váldoulbmilat ollašuhttojedje eanáš sámedikki aitosaš doaimmaid várás juolluduvvon mearreruđain. Váldoulbmiliin sámedikki bargoveahkapoltihkalaš prográmmat leat dohkkehuvvon ja artihkal 8(j) ollašuhttin lea beavttálmuvvan. Eará váldoulbmilat eai bušeahttajagi áigge ovdánán sámediggis sorjjasmeahttun sivaid dihtii.
|