Sámediggi ásahii viđaolbmo válgalávdegotti válmmaštallat ja  doibmiibidjat sámedikki válggaid. Lága mielde válgalávdegottis galget leat ovddasteaddjit juohke sámiid ruovttuguovllu gielddas ja čoahkus galgá váldit vuhtii dásseárvolága geatnegasvuođaid. Juohke ovddateaddjis lea iežas várrelahttu. Válgalávdegoddi vállje joavkkustis várreságajođiheaddji sihke vállje válgalávdegoddái váldodoaibmasaš čálli. Sámedikki stivra ávžžuhii mearrádusevttohusastis dievasčoahkkimii, ahte válgalávdegotti nammadeamis váldojit vuhtii buot Suomas hállojuvvon sámegielat ja sápmelaš kulturjoavkkut.

Válgalávdegoddái válljejuvvojedje čuovvovaš olbmot:

Ságajođiheaddji: Janne Näkkäläjärvi, Eanodagas (várrelahttu Inker-Anne Magga)

Jouni Aikio, Anáris várrelahttu Johanna Alatorvinen Anáris.

Veikko Feodoroff Anáris, várrelahttu Tauno Haltta Anáris

Birit Anni Magga Vuohččus, várrelahttu Jouko Hetta Vuohččus 

Inga Guttorm Ohcejogas, várrelahttu Maarit K. Pieski Ohcejogas

Válgalávdegotti ságajođiheaddji ja muhtun eará ovddasteaddjit válljejuvvojedje jienastemiin.