Sámediggi dohkkehii evttohusaid stáhtadoarjagin sámeoahpahusa ovddideami ja sámegielat oahppamateriálabarggu várás. Sámediggi evttoha dán barggu várás oktiibuot 960 000 euro. Supmis 860 000 sirrejuvvo sámegielat oahppamateriálabarggu  geavaheapmai, mas davvi-, anáraš- ja nuortalašsámegielagiid oahppamateriálaid buvttadeami várás 240 000/giella,  100 000 euro árbevirolaš dieđu oahpaheami ja gielaealáskahttima doarju oahppamateriálaid buvttadeapmai sihke giellagáhttemii ja terminologiijabargui 40 000 euro. Lassin evttohuvvo 50 000 euro sámegiela ealáskahttima ovddieapmi várás oahpahusas sámiid ruovttuguovllu olggobealde ja 50 000 euro digitálalaš oahppamateriála ráhkadeami várás.  

Dán doaibmajagi sámegielat oahppamateriálabarggu várás lea 400 000 euro mearreruhta. Sámeoahpahusa ovddideami várás ii leat juolluduvvon sierra mearreruhta.

Sámediggi deattuhii evttohusastis, ahte oahppamateriáladárbbut leat lassánan mearkkašahtti láhkai iige dálá oahppamateriálamearreruđain sáhte buvttadit doarvái oahpahusmateriála buot Suomas hállojuvvon sámegielaide ja iešguđet skuvlenmuttuide. 

Sámedikki čoahkkin evttohii ahte sámi kulturmearreruhta bajiduvvošii 402 000 euroi. Sámi kulturmearreruhta juohkása aitosaš kulturdoarjagii, sámeservviid doaibmadoarjagiidda ja almmustahttindoarjagii. 

Kulturdoarjagiin doarjut sámedáiddáriid ja duojáriid ja dan sturrodat livččii 120 000 euro. Kulturdoarjagiin doarjut sámi árbevirolašdieđu, materiálakeahtes kulturárbbi ja kultur-dajaldagaid seailuma ja ovdáneami. 

Sámesearvvi doaibmadoarjaga sturrodahkan evttohuvvo 92 000 euro. Sámi kulturmearreruđas juolludedje jagi 2014 doaibmadoarjagiid 18 sámeservviiide, main leat oktiibuot sullii 2 500 lahtu Sámeservviin lea stuorra mearkkašupmi sámeservošiid ealasvuođa, sámegielaid ja kultuvrra seailuma ja ovdáneami dorvvasteamis.

Almmutahttindoarjaga mearrin evttohuvvo 150 000 euro. Almmustahttindoarjja juolluduvvo sámegielat girjjálašvuođa, áigečállaga, cd-skearruid ja multimediabuktagiid buvttadeapmai.

Ođđa doaibman maid doarjut evttohuvvo sámi valástallan- ja lihkadandoaimma doarjun. Dán áigge  sámi valástallama leat dorjon oassin sámeservviid doaibmadoarjaga ja kulturdoarjaga, muhto doaimma ovddideami dihtii ja ruhtadeami dorvvasteami dihtii sámegielat ja kulturmieldásaš valástallandoibmii galggašii leat iežas mearreruhta. Sámediggi evttoha mearreruđa sturrodahkan 30 000 euro. 

Sámi kulturbálkkášumi ruhtadeami várás evttohuvvo 10 000 euro. Sámi kulturmearrreruđas juolluduvvon kulturbálkkášupmi juhkkojuvvo olbmui dahje olbmuide, geat leat ánssášan merihtaid sámekultuvrra ovdii dahkkon barggus. 

Lassin sámediggi evttoha 12 000  euro ruhtadeami ohcejoga girkostobuid bajásdoalu várás.

Dán  jagi sámi kulturmearreruhta lea 184  000 euro, mas  10 340 euro lea juolluduvvon Ohcejoga girkostobuid bajásdollui. Váldo kultutdoarjjan lea juolluduvvon oktiibuot 81 780 €, servviid doaibmadoarjjan 60 000 € ja almmutahttindoarjjan 20 380 €.

Sámediggi evttoha sámegielat sosiála- ja dearvvasvuohtabálvalusaid, árrabajásgeassima ja giellabeassedoaimma dorvvasteami ja ovddieami várás oktiibuot 7.12 miljon euro jáhkái 2016.

Sámegielat sosiála- ja dearvvasvuohtabálvalusaid dorvvasteami várás sámiid ruovttuguovllus evttohuvvo 1.5 miljon euro, mii mieđihuvvošii ain bálvalusabuvttadeaddjiide sámedikki doaimmadettiin stáhtveahkkeeiseváldin. Davvi-Suoma sosiálaguovddáža várás evttohuvvo nuppi plánedeaddji bálkáheapmi ja 80 000 euro lassidoarjja. Ođđa mearreruhtan sosiála- ja dearvvasvuohtabálvalusaide evttohuvvo 50 000 euro mearreruhta čielggadusa dahkamii sámegiela ja kultuvrra vuhtii váldima dihtii sosiála- ja dearvvasvuohtabálvalusain sámiid ruovttuguovllu olggobealde ja sámiid dearvvasvuođa ja buresveadjima ovddideami várás 150 000 euro.

Sámegielat árrabajásgeassinbálvalusaide evttohuvvon mearreruhta árvaluvvo bajiduvvot 2.5 miljon euroi ja doarjaga ollái evttohuvvo váldot maiddái sámiid ruovttuguovllu olggobeale guovlu. Ruhtademiin evttohuvvo ruhtadit sámegielat beaivedivššu Roavvejárggas, Oulus ja Helssegis. 

Sámegiela ja kultuvrra ealáskahtti doaimma várás sámiid ruovttuguovllus ja dan olggobealde evttohuvvo 2.37 miljon euro mearreruhta. Mearreruđain ruhtaduvvošii 10  giellabeasi sámiid ruovttuguovllus ja 5 giellabeasi ruovttuguovllu olggobealde. 

Ođđa doaibmabidjun evttohuvvo árrábajásgeassin- ja giellabeassedoaimma ovddideami várás 170 000 euro. Ruhtadeami livččii ulbmil geavahit sámedikkis doaibmi sámi árrabajásgeassin - ja giellabeassejođiheaddji bálkáhan- ja doaibmagoluide.  Lassin sámediggi evttoha sámegielat árrabajásgeassinmateriálabáŋkku ráhkadeami ja bajásdoalu várás 300 000 €. Sámi sosiála- ja dearvvasvuohtabálvalusaid ovddidanráhkadus–fidnus (SaKaste-fidnu) lea álggahuvvon árrabajásgeassinmateriálabáŋkku ráhkadeapmi  davvi-, anár ja nuortalašsámegillii. Fidnu lea nohkan 31.10.2013. Materiálabáŋkku ovddideapmi ja bajásdoallu gáibidit sierraruhtadeami, vai bures álgán doaibma ii noga fidnu nohkama mielde. 

Dán jagi doarjja sámegielat sosiála- ja dearvvasvuohtabálvalusaid buvttadeami várás lea 480 000 euro, sámegielat árrabajásgeassinbálvalusaid buvttadeapmai sámiid ruovttuguovllus 120 000 euro ja sámegielat giella- ja kulturbeassedoaimma várás 550 000 euro ja 52 000 euro POSKE doaimmaide, oktiibuot 1,202 miljon euro.