Sámediggi dagai evttohusa sámiid suvdilis ovdáneami servodatčatnašumi ráhkadeapmin |
![]() |
![]() |
Sámediggi evttoha birasministeriijai, ahte sámediggi jođihivččii iešguđe doaibmasurggiid geatnegahtti sámi suvdilis ovdáneami servodatčatnašumi ráhkadeami”
Sámi boahtteáigi man mii hálidat 2050” ja čátnašumi ráhkadeami várás dorvvastuvvojit resurssat. Sámedikki čoahkkin nannii nana čátnašeamis suvdilis ovdáneami vuođđojurdagiid ja ulbmiliid ovddideapmin ovdduidgohcimisttis ja iežas doaimmain. Sámediggi čatnašii Rio +20 loahppaáššegirjji ulbmiliid ovddideami dihtii.
Suomas suvdilis ovdáneami leat ovddidan álbmotlaš suvdilis ovdáneami strategiijain. Álbmotlaš strategiija doarjjan lea ráhkaduvvon sámedikki iežas sámi suvdilis ovdáneami prográmma. Ovddit prográmma dohkkehuvvui jagi 2006. Álbmotlaš strategiija lea buhtten servodatčatnašupmi. Álbmotlaš suvdilis ovdáneami servodatčatnašupmi ”Suopma, man mii hálidat 2050” dohkkehuvvui jagi 2013. Čatnašumis lea váldon vuhtii Rio +20 julggáštusa ”The Future We Want” – geatnegasvuođat. Rio julggáštus stivre suvdilis ovdáneami vuođđojurdagiid ollašuhttima ON:s ja dan lahttoriikkain.
Evttohusa mielde sámi servodatčatnašumi ráhkadeamis gullat árbevirolaš sámeealáhusaid ollašuhttiid, sámeservviid ja –institušuvnnaid. Dievasčoahkkin deattuhii, ahte čatnašumis galgá ráhkadit beaktilis ja váikkuheaddji ja anii vealtameahttumin, ahte ministeriijat ja sámiid dáfus guovddáš eiseválddit čatnasit sámiid suvdilis ovdáneami servodatčatnašumi ulbmiliidda ja ollašuhttimii. Evttohusa mielde čatnašupmi dohkkehuvvo sámedikki čoahkkimis, ja sámedikki ja eiseválddiid lassin maiddái sámeinstitušuvnnain, -servviin, árbevirolaš sámeealáhusa ollašuhttiin sihke eará sámedoaibmiin livččii vejolaš čatnasit čatnašupmai.
Dievasčoahkkin deattuhii, ahte sámi suvdilis ovdáneami servodatčatnašumi mielde sáhttit dorvvastit suvdilis ovdáneami ja boahtti buolvvaid eallinvejolašvuoiđaid ja doibmet báktečuollin Rio loahppaáššegirjji ollašuhttimis ja eamiálbmogiid vuoigatvuođaid ovddideamis.
Sámediggi mieđihii earu Pirjo Lotvosii skuvlen- ja oahppamateriálalávdegotti várrelahttovuođas ja nammadii su sadjái Terhi Kytölä Anáris.
|
|
Viimeksi päivitetty ( 30.06.2014 ) |