| Ijahis ija mánáid- ja nuoraidbeaivái boahtime lagabui 250 máná ja nuora |
|
|
|
Ijahis Idja -festivála álgá bearjadaga 15.8.2014 árbevirolaš mánáid- ja
nuoraidbeivviin, masa leat almmuhan iežaset badjelas 240 máná ja nuora miehtá
Sámi.
Ijahis Idja -festivála álgá bearjadaga 15.8.2014 árbevirolaš mánáid- ja
nuoraidbeivviin, masa leat almmuhan iežaset badjelas 240 máná ja nuora miehtá
Sámi. Iđitbeaivve prográmmas leat skuvlaahkásaččaide oaivvilduvvon
musihkkabargobájit, maid leat doallame eamiálbmotgussiid lassin earret eará kárášjohkalaš
juoigi Johan Anders Bær, anáraš rap-artista Amoc, SomBy-joavkku dovddus
artisttat Juho Kiviniemi ja Oula Guttorm, sihke Aila-Duos oahppásat Jessika Lampi ja Heli Aikio. Sámi
mánáidkulturguovddáš Mánnu bealistis ordne bearjadaga sámenuoraide
oaivvilduvvon "Stálut min kultuvrras" -bargobáji sámemusea Siiddas. Almmuheapmi
mánáid ja nuoraid musihkkabargobájiide lea nohkan juo giđđat, muhto Mánu bargobájiide
sáhttá ain almmuhit iežas. Lassedieđuid Mánu bargobájiin oažžu
mánáidkulturguovddáža doaibmajođiheaddjis Petra-Biret Magga-Varsis tlf. 040
7325 503.
Musihkkabargobájiid maŋŋá mánáid- ja nuoraidbeaivi joatkašuvvá Ijahis ija násttážat -konsearttain Sajosa šiljus. Mánáid ja nuoraid iežaset joavkkuid lassin konsearttas besset gullat eamiálbmotgussiid musihkkačájáhusaid ja bargobájiid ráhkadusaid. Ijahis ija násttážat -konsearta lágiduvvo Sajosa šiljus festiválaguovllus dmu 13.00-15.00. Konsearta lea buohkaide rabas ja nuvttá, ja lágideaddjit sávvet ollugiid boahtit báikki nala.
Lassedieđut: Anu Magga Unna-Maari Pulska Veahkkebuvttadeaddji Veahkkebuvttadeaddji Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. tlf. 050 567 2204 tlf. 050 439 8557 |
|
| Viimeksi päivitetty ( 14.08.2014 ) |