| Ijahis ijas fas oláhus olu galledeaddjit arvvis fuolakeahttá |
|
|
|
Anáris 15.-17.8.2014 lágiduvvon Ijahis idja - eamiálbmogiid musihkkafestivála dagai vuohon geahččioláhusa.
Oktanuppelogát geardde lágiduvvon dáhpáhussii oassálaste guovtti beaivve áigge lagabui 2900 olbmo. Bearjadaga lágiduvvon mánáid- ja nuoraidbeaivvi iešguđet bargobájiide oassálaste badjelas 270 máná ja nuora miehtá Sámi, mii lea eanet go goassige ovdal. Mánáid- ja nuoraidbeaivvi Ijahis ija násttážat –konsearttas ledje juobe 400 geahčči.
Dáhpáhusa váldokonsertii vuvde lávvordaga arvvis fuolakeahttá badjelaš 120 bileahta, mii lea lagabui 300 bileahta eanet go diibmá. Ijahis ija váldokonseartta sáhtii čuovvut streama bokte njuolggosáttan, man Sámi oahpahusguovddáža medialinjá lei lágidan. Streama geasuhii ollugiid ja dan ledje čuovvume juobe 1500 geahčči miehtá máilmmi. Dáhpáhusas ledje loaiddasteame dán jagi earret eará máilmmi beakkáneamos sápmelažžan gohčoduvvon Mari Boine, kárášjohkalaš Felgen Orkester, rock-joavku Gubernator Tšukotka-njárggas sihke Tuupa Houseband mánggain sámeartisttaiguin. Preassagovat, dieđáhusat ja lassedieđut dáhpáhusas gávdnojit Ijahis ija neahttasiidduin čujuhusas: www.ijahisidja.fi |