Sámi Duodji ro lágida ovttas sámedikki nuoraidráđiin ja Sámekulturguovddáš Sajosiin geavahuvvon dujiid vuovdima ja duodjemárkaniid Anáris Sajosis 12.12–13.12.2014.

Geavahuvvon dujiid vuovdin lágiduvvo bearjadaga 12.12. dmu 12–17

Boađe vuovdit dujiid, maid it šat ieš dárbbaš! Sáhtát boahtit vuovdit ovdamearkka dihte uhccin báhcán gávttiid, dárbbašmeahttun soljjuid, beallječiŋaid dahje maid beare eará dujiid. Lassin sáhtát vuovdit duodjemateriála, ovdamearkka dihte gággásiid, láiggiid, silkevuođuid, náhkiid jed. Jos okto ii gávdno doarvái vuovdinláhkai, mii ordnet oktasaš beavddi earáiguin. Beavdeláigu lea 10 e.

Muitte, nuppi joavdelas dávvir lea nubbái mávssolaš ja retro lea dál otná vuogi mielde!

Duodjemárkanat lávvardaga 13.12. dmu 10–17

Mii ohcat vuovdiid duodjemárkaniidda! Suoma bealde leat váilon duodjemárkanat ovdal juovllaid, go fas miehtá Norgga sámeguovllu dat lágiduvvojit moanat. Oaivilin lea divvut dán váilevuođa. Leatgo don nappo sámi duojár ja hálidivččet boahtit vuovdit iežat buktagiid duodjemárkaniidda? Beavdeláigu márkaniidda lea 20 e.

Geavahuvvon dujiid vuovdima ja duodjemárkaniid áigge Sajosis gullat musihkkačájáhusaid.

Bearjadaga Sajosis lágiduvvo Klubieahket, man ovdal lea Restoráŋŋa Lyeme ordnen juovlaboradeapmi. Lassediehtu Klubieahkedis ja boradeamis boahtá lagabus dáhpáhusa Sajosa neahttasiidduide www.sajos.fi.

Lávvardaga lea vuorus sámedikki nuoraidráđi ordnen otná gáktebivttasvuogi čájáhus sihke mánáide duodje- ja buđaldanbádji, man lágida Sámi mánáidkulturguovddáš Mánnu.

Beavdevárremat ja diđoštallamat

šleađgapoasttain Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. dahje telefovnnain +358 50 382 5179.