Sajosa buot čoahkkin- ja álbmotlanjaide beassá easttaheamet. Dálu uvssat leat rustejuvvon automáhtalaš rahpanmekanismmain, eaige stuorra šielmmát leat.

Konsearttain ja eará dáhpáhusain lea várrejuvvon báiki jorrestuoluin johttiide. Sis lea vejolašvuohta beassat báikki ala áiggil ovdal dáhpáhusa álgima.

Sajosa iežas buvttademiide veahkkebargi beassá nuvttá. Sajosis ordnejuvvon earáid buvttademiid bileahttageavadat gullá goittotge álo lágideaddji ovddasvástádussii. Bivdit jorrestuoluin johttiid sihkkarastit ášši álo ovddalgihtii ja várret bileahta Sajosa infos tel: +358 (0) 10 839 3168 dahje Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

Induktiočuolbma

Auditorio ja parlameantasále Solju leat guktot rustejuvvon induktiočuolmmain.

Parkerenbáikkit

Daidda, geain lea váttis lihkadit, leat várrejuvvon parkerenšiljus sierra parkerenbáikkit, mat leat merkejuvvon invalidamearkkain. Parkerenšiljus sisa beassá dássidis, geađgebálgá mielde.

Wc-lanjat
Dálu easttahis WC-lanjat leat vuosttas gearddis.