Sámedikki kulturdoarjagiid ohcan 2015 |
Sámediggi almmuha doarjagiid ohcanláhkai, mat mieđihuvvojit sámegielat kultuvrra ovddideapmái ja sámeservviid doaibmamii čujuhuvvon mearreruđas jahkái 2015 (sámi kulturmearreruhta). Doarjjaohcamušaid galgá čujuhit Sámediggái golggotmánu loahpa rádjai.
Sámi kulturmearreruđas juhkkojit jahkásaččat ohcamuša mielde doarjagat sámedáidaga ja -kultuvrra sierra surggiide sihke sámeservviide. Sámedikki bargoortnega mielde doarjagat mieđihuvvojit aitosaš kulturdoarjjan nugo prošeaktadoarjja, bargo- dahje eará doarjja ja almmustahttindoarjja ja maiddái sámeservviid doaibman- ja prošeaktadoarjjan. Dáid lassin kulturlávdegoddi sáhttá mieđihit erenomáš sivas, almmá ohcamuša haga, kulturbálkkašumi. |