Greenland Eyes - filbmafestivála buktá Ruonáeatnama ivnniid, jienaid ja dovdamušaid Anára Sajosii skábmamánu 20.–24. beivviid  2014. Oaidninláhkai leat oanehisfilmmat, animašuvnnat, dokumeanttat, musihkkavideot, historjjálaš potreahtat ja unihka guhkes filmmat nu ruonáeatnanlaš go olgoriikkalaš bagadalliin.

Greenland Eyes lea máilmmi stuorámus Ruonáeatnamii gulavaš festivála. Dat buktá ovdan filmmaid, mat ovddastit sierra genreid ja sierra áigodagaid. Oktasaš filmmaide lea dat, ahte dat muitalit midjiide juoiddá dálá Ruonáeatnamis.

Festivála lágiduvvo dál nuppe geardde. Festivála vuosttas jagi 2012 filmmain návddašuvvui Berliinis. Dán jage filmmaid mearri lea lassánan nu olu ja beroštupmi leamašan nu viiddis, ahte ovtta gávpoga sajis festivála johtá dál buot Davviriikkaid. Borgemánus Ruonáeatnamis álgán festiválaturnee lea ovdal Suoma geargan juo Dánmárkui, Fearasulluide, Islándai ja Ruŧŧii. Suoma maŋŋá maŋimuš čájeheamit dollojit Norggas juovlamánu 18. beaivve.

Filmmat čájehuvvojit Sámekulturguovddáš Sajosa auditorios. Filmmaide lea eaŋgalsgielat teaksta.

Prográmma:

Duorastat 20.11.2014 dmu 18.00

Festivála rahpansánit: festivála hoavda Ivalo Frank ja buvttadeaddji Nicholas Alan.
Filbma Nuummioq (Someone from Nuuk bag. Otto Rosing ja Torben Beck)

Bearjadat 21.11.2014

dmu 18.00 Filmmat Greenland Unrealised (bag. Dania Reymond).
ja Village at the end of the World (bag. Sarah Gavron ja David Katznelson)

dmu 20.00 Filmmat Anigaaq (bag. Jonas Cuaron)
Inuk (bag. Mike Magidson)

Lávvardat 22.11.2014

dmu 11.00 Filmmat The girl and the dogs (bag. Guillaume Mainguet ja Selma Vihunen) ja Souls in a room (The making of an album) bag. Mikisoq H. Lynge) sihke Echoes (bag. Ivalo Frank). Maŋimuš filmma loahpas lea maiddái gažaldat - vástádus –sessio bagadalliin.

dmu 17.30 Camera Borealis & Kaamosjazz konsearta Guhkkin Davvin – Mátki lundui govaiguin ja šuoŋaiguin. Loaiddasteamen fárus Ruonáeatnama supernásti Simon Lynge.

dmu 21.00 Camera Borealis & Greenland Eyes Jam Sessio Simon Lynge melodiija musihka mielde. Hotelli Kultahovi.


Sotnabeaivi 23.11.2014

dmu 18.00 Filbma Sullorsuaq (The tunnel bag. Marc Fussing Rosbach) ja Hinnarik Sinnattunilu (Hinnariks’s dreams bag. Angajo Lennert Sandgreen)

dmu 20.00 Filbma Tupilaq (bag. Jakob Mage) ja Aftermat (Number six bag. Martin Skinkløv ja Rune Bundgaard)

Vuossárga 24.11.2014

dmu 18.00 Filbma Aulahuliat (Moving Images by Uusaqqak Qujaukitsag) ja Block P (by Peter Jensen ja Rikke Diemer)

dmu 20.00 Sooqakersuuttugut (Why we fight bag. Inuk Silis Hoegh) Before tomorrow (bag. Marie Hélène Cousineau ja Madeline Ivalu)


Bileahtaid filmmaide sáhttá oastit Sajosa infos Sajosa rabasáigge ja maiddái neahttagávppis www.lipputoimisto.fi. Dan lassin dat vuvdojit diimmu ovdal juohke filmma álgima uvssa luhtte. Bileahtat 6 euro, nuorat (vuollái 17 jagi) ja studeanttat 3 euro ja mánát (vuollái 12 jagi) nuvttá.

Kaamosjazz-konseartta bileahtaid sáhttá oastit bileahttadoaimmahagas www.lipputoimisto.fi dahje Sajosa infos rabasáigge. Dan lassin dat vuvdojit diimmu ovdal dáhpáhusa álgima uvssa luhtte. Ovdabileahtta 25 e/uvssas 30 euro. Hotelli Kultahovis lágiduvvon Jam Sessioi lea friija sisabeassan.

Festivála áigge Sajosa váldofeaskáris lea oaidninláhkai čuovgagovvačájáhus ISI/EYE/ØJE, gosa Pipaluk Lykke Løstrup lea čohkken amatevragovvideaddjiid digigovaid miehtá máilmmi.


Lassidieđut:
www.greenlandeyes.com
www.sajos.fi


Mediajearahallamat:
Festivála jođiheaddji Ivalo Frank
Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. dahje telefovnnain 0045 36 96 56 62


Lassidieđut bileahtain:
Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. dahje telefovnnain 050 565 1346