Sámedikki nuoraidráđđi joatká guovtte mearreáigásaš ofelačča ohcanáigge 14.11.2014 rádjai. Bargu álgá 1.12.2014 ja bistá 28.2.2015 rádjai. Ofelaččaid bargun lea plánet ja válmmaštallat sámiid birra Ofelaš-materiálaid skuvlagalledemiid várás ja maiddái galledit Lappi skuvllain muitaleamen sámiin  gárvánan materiálaid mielde.

Barggu ceavzilis dikšuma veahkehit sámegiela dáidu, sámekultuvrra dovdan ja  -skuvlejupmi, buorit gulahallan- ja ovdanbuktindáiddut, buorit ADG-dáiddut sihke nákca bargat iešráđálaččat ja ovttas nuppiin ofelaččain. Bálká mearrašuvvá sámedikki bálkávuogádaga gáibádusdási VII/V mielde, vuođđobálká 1398,87 euro/mb. Vuođđobálkká lassin máksojuvvo 24 %:a sámeguovllu lassi ja bargovásáhusa mielde mearrašuvvet ahkelasit.

Doaibmabáiki lea sámekulturguovddáš Sajosis, Anáris. Ohcamušaid oahppo- ja bargoduođaštusaiguin galgá doaimmahit sámedikki čállingoddái 14.11.2014 dmu 16.00 rádjai čujuhussii Sajos, 99870 Anár. Lassidieđuid barggus addá nuoraidčálli Kaisa Tapiola-Länsman, tel. 010 839 3134. Sámediggái sáhttá oahpásmuvvat neahttačujuhusas www.samediggi.fi ja nuoraidráđđái www.samediggi.fi/nuorat.