Geavahuvvon dujiid vuovdin ja duodjemįrkanat Sajosis juovlamįnu 12.–13. beaivve 2014 |
![]() |
![]() |
Sámi Duodji ry lágida ovttasbarggus
sámedikki nuoraidráđiin ja Sámekulturguovddáš Sajosiin duodji- dahjege sámedujiid
kirppisa ja márkaniid Anáris Sajosis 12.12–13.12.2014.
Geavahuvvon dujiid vuovdin lágiduvvo bearjadaga 12.12. dmu 12–17
Boađe geahčadit erenomáš gávdnosiid! Nubbái dárbbašmeahttun gákti, joavdelas solju, beallječiŋat dahje mii beare eará duodji sáhttá leat dehálaš dutnje. Lassin sáhtát gávdnat duodjemateriálaid, ovdamearkan liinniid/gággásiid, láiggiid, silkkiid, náhkiid ded. Báikki alde lea maiddái oktasašbeavdi, gosa sáhttá buktit vuovdimassii ovttaskas dávviriid, juos ie˛as beavdái eai gávdno doarvái gálvvut vuovdinláhkai. Vuovdimiid oktavuođas Sajosis loaiddasta vuohčulaš Tiina Aikio čuojaheaddjiinis Tony Brandtbergiin dmu 14.00.
Muitte, nuppi dušši dávvir lea nubbái erenomáš ja retro lea dál otná málle!
Psst, Sajosa njealját Klubi-eahket álgá dmu 20.00.
Duodjemárkanat lávvardaga 13.12. dmu 10–17
Lávvardaga lea vuorus márkanbeaivi ja vuovdit čoahkkanit Sajosa váldofeaskárii miehtá sámeeatnama. Márkanat leat buorre báiki oahpásmit sámeduoji maŋimuš ođđa ideaidda ja oastit juovlaskeaŋkkaid.
Márkaniid áigge dmu 13.00 loaiddasta folk-rock davvisámegillii lávlu Ravggon.
Maiddái mánát leat buresboahtin márkaniidda! Sámi mánáidkulturguovddáš Mánnu lágida mánáide duodje- ja buđaldanbáji dmu 10.00–12.00. Bájis duddjojuvvo árbevirolaš materiálain šelggon.
Márkaniid áigge Restauráŋŋa Lyemes lea fállun márkanbiebmu uhcit ja garrasut nealgái.
Vel geargá almmuhit vuovdin kirppisii dahje márkaniidda!
Lassidieđut ja almmuheamit: šleađgapoasttain Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. dahje telefovnnain +358 50 382 5179.
|
|
Viimeksi päivitetty ( 11.11.2014 ) |