Riikkaidgaskasaš sápmelašseminára sáhttá čuovvut Interneahtas |
![]() |
![]() |
Eurohpa Ráđđi, sámedikkit ja olgoriikkaministeriija lágidit seminára ”Sápmelaččat – álbmot, kultuvra ja gielat ja Eurohpa Ráđđi” sámekulturguovddáš Sajosis 28.11.2014.
Seminára striimejuvvo eaŋgalsgillii čujuhusas sogku.fi/live. Seminára sáhttá maŋŋá čuovvut maiddái davvisámegielat ja suomagielat vurkkohussan. Seminára álgá 28.11.2014 dmu 9.00 ja nohká dmu 18.45.
Seminárai oassálastet sullii 90 guossi Eurohpa Ráđi sierra orgánain, virgeoapmahaččat Suomas, Ruoŧas ja Norggas, sámepolitihkkarat Suomas, Norggas, Ruoŧas ja Ruoššas ja maiddái sámeorganisašuvnnaid ovddasteaddjit ja dutkit.
Seminára dárkkuhussan lea lasihit diđolašvuođa sápmelaččain, ovddidit utnolašvuođa ja máŋggahápmásašvuođa sihke lasihit diđolašvuođa Eurohpa ráđis ja dan orgánain. Seminára lea Eurohpa Ráđi pilohttafidnu, mas lasihuvvo Eurohpa Ráđi sierra gohcinorgánaid ovttasbargu ovtta temá, dán dáhpáhusas sápmelaččaid guoskevaš áššiid gieđahallamis. Seminára lea áidnalunddot ja addá virgeoapmahaččaide, gohcinorgánaidda ja sámedoaibmiide vejolašvuođa gulahallamii ja juogadit buriid vásáhusaid ja geavadiid olmmošvuoigatvuođaid ollašuhttima várás.
Seminára iđitbeaivve prográmmas temán leat Eurohpa Ráđi soahpamušat ja soahpamušaid ollašuhttima gohcin. Prográmmaosiin gieđahallojit ee. álbmotlaš vehádagaid suodjaleami guoski rápmaoktasašsoahpamuša ja guovlluid dahje vehádatgielaid guoski Eurohpalaš vuođđogirjji ollašuhttin sihke Eurohpa rasismma ja utnohisvuođa vuostásaš komitea (ECRI) bargu.
Iđitbeaivi joatkašuvvá geahčalmasain sápmelaččaid gielalaš vuoigatvuođaide ja sámegiela virtuála- ja gáiddusoahpahussii.
Seminára eahketbeaiprográmma álgá dmu 14.15 jorba beavddi ságastallamiin sámenissoniid rollas muhttašuvvi servodagas. Eahketbeaivi joatkašuvvá sámenuoraid vuoigatvuođaid gieđahalli osiin. Sámenuorat Ruoŧas, Norggas ja Suomas ságastallet sámenuoraid vejolašvuođain čuovvut árbevirolaš eallinvuogi, smávit sámegielaid ja kulturjoavkkuid dilis ja sámekultuvrra doalaheamis gávpogiin sihke sápmelaš seksuálavehádagaid vuoigatvuođain. Seminára nohká jorba beavddi ságastallamii sápmelaččain medias.
Seminára áigge gullat árbevirolaš ja modearna sámemusihka ja semináraoassálastiin lea vejolašvuohta oahpásmuvvat árbevirolaš sámeduodjái.
Vehádatrápmasoahpamuš (Finlex)
|
|
Viimeksi päivitetty ( 03.12.2014 ) |