| Suopma oaččui įv˛˛uhusaid buoridit sįmiid vuoigatvuođaid |
|
|
|
ON:a ekonomalaš, kultuvrralaš ja sosiálalaš rivttiid komitea attii 28.11.2014 Supmii áv˛˛uhusaid beavttálmahttit ekonomalaš, sosiálalaš ja kultuvrralaš vuoigatvuođaide guoski konvenšuvnna (ESK-soahpamuš) ollašuhttima.
Komitea bargun lea bearráigeahččat soahpamuša ollašuhttima. Suopma lea addán mearreáiggeraportta soahpamuša ollašuhttimis jagis 2011.
Suopma lea ratifiseren soahpamuša jagis 1976. ESK-soahpamuša 1 artihkkal dáhkida álbmogiidda iešmearridanvuoigatvuođa. Soahpamuša arthkkal 15 dáhkida juohkeoktii vuoigatvuođa oassálastit kultureallimii, návddašit dan ovdduin sihke návddašit dieđalaš, čálalaš dahje dáiddalaš buktagiiddis vuoiŋŋalaš ja materiálalaš ovdduide fállojuvvon suojis.
Komitea gieđahalai áv˛˛uhusainis sámekultuvrra otnádili Suomas ESK-soahpamuša čuovggas ja attii máŋggaid sámiide guoski áv˛˛uhusaid. Komitea anii loahpalaš árvalusainis positiivvala˛˛an, ahte stáhtaráđđi lea dohkkehan doaibmabidjoprográmma sámegielaid ealáskahttima várás.
Komitea áv˛˛uhii Suoma jođálmahttit ILO 169-soahpamuša ratifiserenproseassa. Komitea áv˛˛uhii Suoma váldit atnui áššáiheivvolaš doaibmabijuid, maiguin sáhttá vástidit dálkkádatnuppástusa buktin negatiivvalaš váikkuhusaide sámiid eanaguovlluide ja resurssaide. Komitea mielde Suopma galgá figgat sámiid dihtui vuođđuduvvi ovdamiehtamii ovdalgo priváhta fitnodagaide addojuvvo vuoigatvuohta ávkkástallat sámiid ruovttuguovllu luondduresurssaiguin. Sámiid vuoigatvuohta oamastit eatnama ja ávkkástallat ie˛aset luondduresurssaiguin galgá dáhkiduvvot dárbbašlaš láhkamearrádusaiguin ja hálddahusain.
Komitea áv˛˛uha Suoma sihkkarastit sámegielaid ealáskahttinprográmma beaktilis ollašuhttima dorvvastemiin prográmma ollašuhttimii doarvái resurssaid sihke lasihemiin oahpaheaddjiid meari. Komitea maid áv˛˛uha Suoma sihkkarastit oahpahusa oa˛˛uma sámegielaiguin sámiid ruovttuguovllus ja dan olggobealde, vai sámiid kultuvrra sáhttá seailluhit, suodjalit ja ovddidit.
Komitea áv˛˛uhusat čohkkejuvvojit sámedikki ruoktosiidduide go daid jorgalusat gárvvásmuvvet. Suoma čuovvovaš mearreáiggeraporta konvenšuvnna ollašuhttimis addojuvvo skábmamánus 2019. Komitea bivdá Suoma raporteret das, maidda doaibmabijuide dat lea álgán dáid áv˛˛uhusaid ollašuhttima dihte.
|