Sámepedagogihka dievasmahttinskuvlejupmi
Lappi universiteahta pedagogihkalaš dieđagotti Oahpahus- ja bajásgeassinsuorggi dievasmahttinovttadat lea ožžon Oahpahusráđđehusas ruhtadeami Sámepedagogihka vuođđogažaldagat 5 oč. -skuvlenprošeavtta várás. Skuvlejupmi álgá skábmamánus 2013 ja nohká jagi 2014 loahpas.
Skuvlejupmi ovddida sámegielat oahpaheddjiid válmmašvuođaid plánet, ollašuhttit ja ovddidit sámepedagogihka álgoálbmotkultuvrra sierrasárgosiid vuođul. Dasa lassin skuvlejumi bokte geahččaluvvo nannet sámegiela ja –kultuvrra eallinnávccaid ja dutkanbarggu ja geavatlaš bajásgeassinbarggu gaskasaš dialoga.
Skuvlejupmi sisttisdoallá njeallje ollislašvuođa, mat leat sápmelašvuohta ja sámekultuvra, sámeoahpahusa historjá ja dálá áigi, sápmelaš bajásgeassin ja sámepedagogihka vuolggasajit ja sápmelaš oahppi, oahpaheaddji ja váhnen. Skuvlejupmái gullet áššedovdiid logaldagat, mat dollovvojit Roavvenjárggas ja Anáris.
Skuvlenprošeavtta váldooahpaheaddjit leat Pigga Keskitalo, Erika Sarivaara, Inker-Anni Linkola, Rauna Rahko-Ravantti ja Rauna Äärelä. Sin lassin oahpaheaddjin leat Pauliina Feodoroff, Ante Aikio ja Satu Uusiautti. Skuvlenprošeavtta dieđalaš jođiheaddjin doaibmá professor Kaarina Määttä Lappi allaoahpahaga pedagogalaš dieđagottis. Skuvlejupmi lea oasseváldiide nuvttá.
Skuvlenprošektii sáhttá almmuhit iežas čujuhussii www.ulapland.fi/ktk/täydennyskoulutus deavdimiin elektrovnnalaš skovi.
Lassedieđuid addet:
Skuvlenhoavda Janette Tolppi-Raittimo, tel. 040 484 4135
Skuvlenplánejeaddji Annika Tuomisto, tel. 040 484 4121
Skuvlenčálli Tarja Tuisku, tel. 040 484 4136
Epoasta: ovdanamma.sohkanamma(at)ulapland.fi
|