Sámedutkamuša doaimmaide badjel golbmalogi ohcci
Lappi universitehta sámedutkamuša rabas doaimmaide ledje oktiibuot 31 ohcci.
Suopmelaš universitehtalágádusas Lappi universitehtas lea riikka dási ovddasvástádus sámerievtti ja sápmelašvuhtii čatnašuvvi servodatdiehtagiid dutkamuša ovddas.
Lappi universitehta rabas dutkamuššii báidnašuvvi sámedutkamuša ođđa doaimmat čujuhit juridihkalaš ja/dahje servodatdieđalaš sámedutkamuššii.
- Dáin doaimmain, mat dál leat leamaš ohcan láhkai, sáhttá lahkonit sámiid servodaga iežas struktuvrrain ja strategiiain, riikkasis perspektiivvas dahje riikkaidgaskasaš oaidninčuoggás, erenoamažit álgoálbmogiidda guoskevaš oli bokte, rektor Mauri Ylä-Kotola dadjá.
Doaimmaide mat ledje ohcan láhkai, dat leat veahkkeprofessora, dutkidoaktára ja nuorat dutki doaimmat, ledje oktiibuot 31 ohcci. Eanemus ohcamušat bohte nuorat dutki doibmii. Lappi universitehta rektor Mauri Ylä-Kotola ii leat hirpmástuvvan ná stuorra ohccimearrái.
- Stuorra ohccimearri muitala dan birra, ahte servodat- ja juridihkalaš sámedutkamušas lea dehalaš mearkkašupmi ja dárbu,Ylä-Kotola dadjá.
Sámedutkamuša veahkkeprofessora doaimma ohce guhtta olbmo. Sii leat Daniel Bunikowski, Lydia Heikkilä, Tanja Joona, Rauna Kuokkanen, Klemetti Näkkäläjärvi ja Sanna Valkonen.
Sámedutkamuša veahkkeprofessora doaibma devdojuvvo Lappi universitehta dohkkehan strategalaš karrierabálggisortnega vuođul. Olmmoš váldojuvvo vuos viđa jagi mearreáigásaš veahkkeprofessora doibmii, man lea vejolaš joatkit dahje mas lea vejolaš sirdášit árvvostallama bokte albma professora virgái.
Sámedutkamuša veahkkeprofessora bargu lea eanaš dutkamuša bealde. Veahkkeprofessora bargun lea sámedutkamuša organiseren, lasseruhtadeami skáhppon ja sámedutkamuššii gullevaš dutkanprográmmaid čohkken ja dutkanjoavkkuid stivren. Vurdojuvvo, ahte sámedutkamuša veahkkeprofessor oahpaha universitehtas iežas suorggis. Veahkkeprofessora sajustanossodat universitehtas mearreduvvo olbmo dutkanprofiilla mielde.
Veahkkeprofessora dieđalaš dohkálašvuođa ja ánssuid guorahallama várás bivdojuvvo cealkámuš olggobeale árvvoštallanjoavkkus, masa Lappi universitehta lea namahan professora Kari Hakapää, spesiáldutki Elina Helander-Renvalla, professora Veli-Pekka Lehtola ja professora Ole Henrik Magga. Doaibma devdojuvvo giđa mielde 2014.
Sámedutkamuša dutkidoaktára doaimma ohce gávcci olbmo. Doaimma ohce Lydia Heikkilä, Jane Hewer, Laura Junka-Aikio, Kaisa Korpijaakko-Labba, Tero Mustonen, Erika Sarivaara, Hannah Strauss-Mazzullo ja Sanna Valkonen.
Dutkidoaktára doaimmas váldodeaddu lea dutkamuš ja dutkikarriera ovddideami nákkusgirjji barggu maŋŋel. Vurdojuvvo ahte dutkidoavttir oassálastá iežas suorggi oahppočájánasbargguide ja oahpahussii. Doaibma devdojuvvo áigái 1.8.2014 – 31.7.2016. Ohcciid dohkálašvuođa ja ánssuid árvvoštallamii bivdojuvvo cealkámuš áššedovdiin.
Sámedutkamuša nuorat dutki doaimma ohce čiežanuppelot olbmo. Doaimma ohce Antti Aikio, Lukas Allemann, Juha Guttorm, Maria Elfving, Jane Hewer, Arja Jomppanen, Kosti Joensuu, Marjo Lindroth, Anne-Maria Magga, Tuuli Miettunen, Irmeli Moilanen, Anne Nuorgam, Laura Olsén, Henno Eriksson Parks, Tanja Sanila, Saara Tervaniemi ja Eija Syrjämäki.
Nuorat dutki doibmii gullet nákkusgirjebargu Lappi universitehtas ja oassálastin iežas suorggi oahpahussii. Doaibma bistá njeallje jagi, muhto dat devdojuvvo álggus guovtti jahkái. Ohcciid dohkálašvuođa ja ánssuid árvvoštallamii bivdojuvvo cealkámuš áššedovdiin.
Lassedieđut:
Rektor Mauri Ylä-Kotola
Tel. 0400 276 288 0400 276 288
|