Sámi dálá dáidda
Korundis lea dál sámi dálá dáidaga čájáhus, mii lea gohčoduvvon oktan dán giđa dehalamos dáiddačájáhussan. Čájáhusa leat kureren Lappi universitehta dáiddahistorjjá professor Tuija Hautala- Hirvioja, Roavenjárgga dáiddamusea kurátora Riitta Kuusikko ja Norrbottena musea hoavda Jan-Erik Lundström.
Dát čájáhus buktá ovdan dán jahkelogi miellagiddevaččamus sámi dáidaga albmonemiid ja dáiddadaguid. Čájáhusas leat oaidnin láhkai barggut oktiibuot guoktelogi sierra dáiddáris Norggas, Ruoŧas ja Suomas. Čájáhus lea Korundis miessemánu loahpa rádjai. Dan maŋŋá dat sirdojuvvo Luleju museai ja doppe sámi ođđaáigásaš dáidaga guovddážii Kárášjohkii.
Čájáhusa várás lea dahkkojuvvon publikašuvdna, mas leat ollu govat ja mas buktojuvvojit ovdan dat dáiddačeahpit, geaid barggut leat čájáhusas. Dasa lassin dán publikašuvnnas leat golbma čállosa, mat čilgejit sámi dáidaga dálá dili ja sámi dáidaga ruohttasiid. Publikašuvnna leat doaimmahan Tuija Hautala-Hirvenoja, Riitta Kuusikko ja Jan-Erik Lundström. Publikašuvdna lea suomagillii, sámegillii ja eŋgalsgillii.
Čájáhussii gullá maiddái duorastaga 6 beaivve njukčamánus 2014 Sámi Contemporary –seminára, mas viidát guorahallojuvvojit davvivuohta ja áigeguovdilis sámi gažaldagat. Dat lágiduvvo Korundis. Seminaras hállet earret eará Hanna Horsberg Hansen Tromssa allaoahpahaga Dáiddaakademias, räpdáiddačeahppi Áilu Valle ja Álaheaistuimmiid aktivista Synnöve Persen.
Seminára dollo eŋgalsgillii ja sisabeassan lea nuvttá. Semináras sáhttá deaivadit dáiddačehpiiguin ja ieš doallat sáhkavuoru.
Lassedieđut ja dearvvuođaiguin:
Tuija Hautala-Hirvioja
Epoastačujuhus: tuija.hautala-hirvioja(at)ulapland.fi
Korundi
Sámi contemporary –seminára
|