Lappi universitehta lea lokten sámedutkama strategalaš njunnošii gulavažžan, ja lea ná lotnumin báikki Skandinávia davvi allaskuvllaid joavkkus.
Masa sámedutkan dasto dárbbašuvvo? Leatgo dan doarjumii eará sivat go smávva universitehta profilerema dárbu? Leat kollegaiguin guorahallan nuorra oahpposuorggi, sámevuoigatvuođa, vuolgga-sajiid ja gávnnahan, ahte dan ulbmilin ja láidesteaddji prinsihpan lea ávkkuhit sámi servoša ja ovddidit sámiid vuoigavuođaid.
Sámiid vuoigatvuođaide gulavaš váilevuođaid čielggadeapmi eaktuda sámiid iežaset juridihka dutkama. Juridihkalaš sámedutkama galgáge oaidnit divvunlihkastahkan historjjá linnjái, mas sámiid vuoigatvuođat leat guorahallon váldoservodaga perspektiivvas. Leiba dasto gažaldagas sámiid vuoigatvuođaid duolbman dahje ovddideapmi.
Dan, maid sámedutkama suorggis oažžu dahje ii oaččo bargat, dahje mat leat sámiid dárbbut, ii dieđusge giige okto sáhte meroštit. Dehálaš lea, ahte boahttevuođas maiddái sámiid iežaset jienat besset albmosii.
Antti Aikio, dutki, Árktalaš guovddáš
|