Maŋimuš 40 jagi áigge sápmelaččat leat vásihan mearkkašahtti sirdáseami assimilašuvnna rávddas sordojuvvon etnihkalaš unnitlogus ja kultuvrralaš árvvuhisvuođas politihkalaččat ja vuoigatvuođalaččat dovddastuvvon eamiálbmogin.
Dás lea čuvvon, ahte dán áigge politihkalaš ságastallamiin sápmelaččaid oaidnit intreassajoavkun earáid joavkkus. Maiddái sápmelaččaid originálavuođa ja erenoamášvuođa leat álgán oaidnit historjjálažžan ja guovlluguovdásaš gažaldahkan, ii nuge etnihkalaš ja kultuvrralaš erenoamášvuođa hápmin.
Álkidit nappo vajálduvvá, ahte doaba eamiálbmot čujuha erenoamážit dáid álbmogiid dálááigái: sápmelaččat leat kulturlaččat ja etnihkalaččat erenoamáš joavku nuppelágan ja hálddašeaddji vuogádaga siste. Eamiálbmoga iežas sosiálalaš geavadagat ja diehtovuogádagat, dego sápmelaččain sogaide vuođđuduvvi etnihkalaš identifiserema geavadat, leat dahkan vejolažžan dán kultuvrralaš erenoamášvuođa ja servoša seailuma. Dán dihte dat leat ainge guovddáš áššit eamiálbmotsubjeavtta meroštallamis.
Sanna Valkonen, dutki, Servodatdiehtagiid dieđagoddi
|