| Lappi universitehtta nanne servodatdieðalaš ja vuoigatvuo-ðadieðalaš sápmelašvuhtii čatnašuvvi dutkama ásahemiin dáidda surggiide gulli oðða dutkandoaimmaid dan jagi 2013 rájes. Oðða doaimmat nannejit mearkkašahtti olu universitehta sápmelašvuhtii ja álgoálbmotáššiide guoski dutkamuša.
Jáhkán, ahte oðasmahttindoaimmain máŋga sápmelaččaide guovddáš dutkanfáddaga oidnojit boahttevuoðas buorebut go dán rádjái. Dan lassin doaivvun, ahte sápmelaš dutkit dutkkašedje áššiid iežaset kultuvrralaš ja epistemologálaš vuolgasajiin. Seammá háve sáhtášii ságastallat sierralágan diehtovugiid ja máilmmegovaid birra, almmá ahte vajálduhttá ehtálaš gážaldagaid ja dutki ovddasvástádusa.
Dieðán, ahte akademálaš vuogit nuppástuvvet hihtásit, váikko dialoga leage oassin akademálaš ságastallamis. Dattege veajan jáhkkit, ahte álgoálbmogiidda guoski miettildeapmi uhccána maid dutkama oktavuoðas álmmolaš servodatlaš ovdáneami mielde.
Elina Helander-Renvall, spesiáldutki, Árktalaš guovddáš
|