DAVVI-mátkki vuosttas mihttomearri lea olahuvvon
DAVVI-skuvlenprošeakta oahppit muitalit iežaset oahppanvásáhusain ja plánejit boahttevuođa.
DAVVI máŋggadieđalaš universitehta dási skuvlenprográmma loahpaha
njealjejahkásaš doaimmas suoidnemánus 2014. Prošeakta nohká prošeavtta
máŋggadieđalaš oahpuid, daid bohtosiid ja boahttevuođa vejolašvuođaid
ovdanbukti seminárii Anáris sámekulturguovddáš Sajosis maŋŋebárgga
1.4.2014 dmu 14 rájes. Davvi-semináras Davvi-oahppit ja prošeavtta
jođiheaddjit láidestit sierra doaibmiid, nugo oahpaheaddjiid,
ruhtadeaddjiid ja eará mearrideaddjiid Davvi-mátkái. Mátkki dáhpáhusaid
birra beassat gullat seminára oassálastiid Davvi-vásáhusaid ja –muittuid
bokte ja plánet boahttevuođa Davvi-prošeavtta bohtosiid vuođul.
Seminára
oktavuođas Davvi-oahppit ovdanbuktet áidnalunddot oahppanbargguinis
máŋggabealat čájáhusas, mas lea oaidninláhkai earret eará
industriijahábmema ja viesu čiŋahan ja tekstiillaid hábmema oahpuin
ráhkaduvvon hábmenduojit ja tekstiilat plánenmuttus válmmaš buktagin.
Čájáhusa lea válbmen joavku aktiivvalaš Davvi-oahppit, geaid duojit leat
maid oaidninláhkai čájáhusas. Lassin čájáhusas beassat oahpásmuvvat
Davvi-mátkái govaid ja duohta áššiid bokte.
Seminára lágidit
ovttasbarggus Lappi universitehta ja Sámi oahpahusguovddáš. Seminárii
sáhttá oassálastit live stream sáddaga bokte čujuhusas http://www.sogku.fi/live/.
DAVVI máŋggadieđalaš universitehta dási
skuvlenprográmma lea lágidan rabas universitehta oahpuid sámeguovllu
nuoraide ja rávesolbmuide jagiin 2010–2014. Oahpuid lágideamis lea
vástidan Lappi universitehta ovttasbarggus Sámi oahpahusguovddážiin.
Oahppoprográmma oahppoplánabarggu leat dahkan Lappi universitehta
dáidagiid ja servodatdiehtagiid dieđagottit ja Oulu universitehta
Giellagas-instituhtta. Prošeavtta jođiha Lappi universitehta ja dan
ruhtadit Eurohpa sosiálaruhtagáldu, Vipuvoimaa EU:lta 2007–2013, Lappi
ELY-guovddáš ja Anára gielda.
Lassedieđut:
www.ulapland.fi/davvi
Prošeaktajođiheaddji Helena Tompuri, Lappi universitehta, p. 0400 159 088
Prošeaktaplánejeaddji Anni Guttorm, Sámi oahpahusguovddáš, Anár, p. 040 134 5901
|