Doaivva
Lea álki govahallat ahte daidda olbmuide, geat ledje Jesusa lagamusas, bázii hui stuora guorosvuođa go Jesus jámii. Nu olu imaš áššit dáhpáhuvve:
Biibbalis daddjo ahte dat ovdaloavdda, mii suodjalii tempela bassámus báikki, gaikánii go Jesus jámii. Muitaluvvo ahte go son bajásčuožžilii, de rahpasedje boares hávddit ja ovddeš bassiolbmot vázzigohte luottaid alde. Dat lei sihkkarit oba issoras ja dorvvohis dilli.
Muhtin lagamus olbmot Jesusis sáhtte jurddašan ahte sii livčče galgan juoidá earaláhkái bargat, vai livčče sáhttán hehttet dan mii dáhpáhuvai. Sis lei moraš go ustit lei jápmán. Ii lean šat doaivva.
Árrat iđida manne Jesusa ustibat geahččat hávddi. Doppe oidne sii eŋgela. Sii várra balle ja seammás lei vuordámuš. Juoga ođas galggai dáhpáhuvvat, muhto mii? Leigo jur duohta maid eŋgel muitalii?
Árvideamis dovde Jesusa ustibat stuora ilu go de fuomášedje ahte hávdi lei guoros. Dat mearkkašii ahte sii fas besse deaivvadit iežaset ustibiin. Nu áddejedje ahte hávddi luhtte riegádii doaivva fas ođđasis, ja dat ii goassege galgan guođđit min máilmmi.
