Vuoiŋŋastanbáiki
Doala dan nuppi ráhkisvuođabearrala. Dat galgá muittuhit du juogadit ráhkisvuođa earáiguin. Go don orut jaska dainna bearraliin, de sáhtát jurddašit man buorre lea go sáhttá nuppiin juogadit ilu. Don sáhtát jurddašit dakkár muittuid birra go vásihit ustitvuođa ja lieggasa ja ráhkisvuođa. Divtte dán bearrala sisttisdoallat muhtimiid iežat buriid vásihusain go juogadit eará olbmuiguin. Go don jurddašat sin birra, de sáhtát movttiidahttojuvvot diktit ráhkisvuođa earáide šaddat mávssolaš fápmun du eallimis. Jesus lei olmmoš gii lei dievva ráhkisvuođas ja son juogadii olbmuiguin. Danne ráhkistedje su ustibat su.
