Vuoiŋŋa attáldagat
Árpmuattáldagat leat máŋgga lágánat, muhto Vuoigŋa lea seammá. Bálvalusat leat máŋgga lágánat, muhto Hearrá lea seammá. Fámolaš dagut leat máŋgga lágánat, muhto Ipmil lea seammá, son gii duddjo buot mii lea. Dan maid Vuoigŋa almmustahttá, oažžu juohkehaš oktasaš ávkin. Muhtumii Vuoigŋa addá viisodaga sáni, ja nubbái seammá Vuoigŋa addá dieđu sáni. Muhtumii seammá Vuoigŋa addá oskku, ja nubbái fas árpmuattáldaga buoridit buhcciid. Muhtun oažžu fámu dahkat oavdudaguid, nubbi profehtastallanattáldaga, ja nubbi fas máhtu earuhit iešguđetlágán vuoiŋŋaid, muhtun oažžu attáldaga sárdnut iešguđetlágán gielaiguin ja nubbi fas máhtu dulkot sárdnumiid gielaiguin. Buot dáid duddjo okta ja seammá Vuoigŋa guhte juohká attáldagaidis juohkehažžii, dáhtus mielde.
1Kor. 12:4-11
Kristuskransen:
