Vuoiŋŋastanbáiki
Rukses bearralat sáhttet muittuhit du ráhkisvuođa birra. Vuosttaš rukses bearral dadjá: Don leat ráhkistuvvon. Máilbmi lea sivdniduvvon ráhkisvuođa dihte. Vaikko don dan it álo dovdda ge, de lea ráhkisvuohta das du váras. Ipmila ovddasmoraš lea dego boagán du birra. Jus muittát muhtin buori vásihusa go dovdet iežat ráhkistuvvon ja árvvus adnojuvvon, de sáhtát atnit dan ja dovdat mii Ipmila ráhkisvuohta lea. Muitte makkár dat lei, geahččal oaidnit movt dat lei, mana dan sisa ja geahččal fas dovdat dan dovddu mii dus lei. De beasat oainnestit Ipmila nohkameahttun ráhkisvuođas dutnje.
Eahkedismális lea oktasaš dahku ja das juogadit mii ráhkisvuođa guhtetguimmiideametguin ja vuostáiváldit Jesusa ja su ráhkisvuođa. Go don doaladat dan vuosttaš rukses bearrala, de sáhttá dat veahkehit du muitit ráhkisvuođa lieggasa ja ilu.
