Mun lean máilmmi čuovggas, cealká Jesus

Jesus cealká: "Dat guhte čuovvu mu, ii goassege vádjol seavdnjadasas, muhto sus lea eallima čuovggas." (Joh 8,12). Giđđat buktá beaivváš gulul ođđa eallima lundui. Dán láhkái buktá Kristus midjiide agálaš eallima skeaŋkan. Maid dát máksá? Maid máksá agálaš eallin?

Jesus riegádii stáljas Betlehemas. Son lei sihke Ipmil ja olmmoš oktanaga. Sus ledje váhnemat nu mo mis leat. Márjá ja Josef leigga su váhnemat. Son šattai bajás Nasaretas. Son gásttašuvvui nu mo don ge. Son mátkkoštii, mátkkiin oahpahii ja sárdnidii. Son sárdnidii Ipmila riikka birra, vuoigatmeahttunvuođa vuostá, barggai oavdduid ja buoridii buhcciid. Dan dagai 12 máhttájeddjiidisguin. Muittát go máhtajeddjiid namaid? Ođđa testameanttas sáhtát lohkat Jesusa birra.

Jesusis ledje eambbo namat:

Jesus

Eaba lean Márjá ja Jovsset geat hutkaiga Jesusa nama. Eŋgel finai Jesusa eatni, Márjjá luhtte ja muitalii mii bártni namma galggai leat. Jeusa namma máksá: Ipmil beastá. Dat namma lei hui dábálaš Israelas dan áigge.


Kristus

Kristus lea gonagas. Kristus mearkkaša son guhte lea vuidojuvvon. Dalá áigge vieru mielde vuide gonagasa oaivvi oljjuin go su bidje ámmáhii.

Jesus Kristus

Go dát guokte nama leat ovttas dešaddá dovddastussan: Jesus lea Messias.Son lea lohpiduvvon gonagas gii galgá beastit.


Ipmila bárdni

Namma muitala ahte Jesus lea Ipmila bárdni. Jesus geavaha dán namahusa  iežas birra.

Hearrá

Lea dat namma mii geavahuvvo dávjjimusat. Jesus lea vuoitán ja lea Hearrá jápmima badjel.


Láppis

Dát namma geavahuvvo govvet Jesus Kristusa doaimma. Jesus oaffaruššui soabahussan min suttuide. Biibbalis han muitaluvvo ahte geavahuvvo láppis go galge oaffaruššat.


Olbmobárdni

Dát lea namma maid dušše Jesus iežas birra geavahii.

Biibbalis veardiduvvo beaivváš Jesusiin, lea čállojuvvon ahte Jesus ámadadju šearrái dego gaskabeaibeaivváš (Alm. 1, 16)

Dat guđet oskot Jesus Kristusii gohčodit iežaset risttalažžan. Mii dat lea, oskot Jesus Kristusii?

Assisilaš Bassi Fransa áiggui lagamučča ráhkistit buoremusat bálvaleami bokte. Son guđii eallima riggáid gaskkas. Son gohčodii lottiid, elliid, liđiid ja muoraid oabbán ja vielljan. Loga Bassi Franssa sártni mas hálešta elliiguin.