Biibbal -máksá girji

Biibbal lea greikkalaš sátni mii máksá girjjit. Biibal lea okta girji mas leat ollu girjjit. Das leat guokte stuorra oasi –Boares testamenta (39 girjji) ja Ođđa testamenta (27 girjji). Biibbal maiddái gohčoduvvo Bassi čálabáikin. Boares testamenta muitala maid Ipmil dagai ovdal Jesusa riegádeame. Ođđa testamenta duođašta maid Ipmil lea dahkan ja maid son ain doaimmaha maŋŋá go Jesus eatnamii bođii. Biibbalis leat sihke historját, divttat, sálmmat, čállosat dáhpáhusaid birra ja einnostusat.

 

Iešguđetlágan olbmuin

Biibbala leat čállán vaikko guđelágan olbmot iešguđetge áiggis- profehtat, evaŋgelisttat ja apoastalat. Badjel 1000 jagi manai ovdal go olles Biibbal lei gárvvis. Guđe mitalusat Biibbalis leat du mielas čábbaseamos?

 

Sámegillii jorgaluvvon

Olles Biibbal lea jorgaluvvon 341 gillii. Vuosttaš davvisámegiel Ođđa testameanta prentejuvvui 1840is. Lea go olles Biibbal jorgaluvvon davvisámegillii, julevsámegillii ja máttasámegillii? Vuosttaš sámegiel báhppa, Anders Porsanger jorgalii sámegillii muhtun osiid Ođđa testamenttas. Dieđát go don eará sápmelaččaid geat leat jorgalan Biibbala samegillii?
 

Lávvu lea sihke orrunbáiki, boradanbáiki ja oktasašvuođa báiki. Lávvu addá suoji ja ovddasta olbmuid vádjoleami ja mihttomeari.

 

Biibbalis lohkat johtti álbmogiid birra geat ásse tealttás. Sáhttá earret eará lohkat Abrahama birra gii ásai tealttás Issáhiin ja Jáhkobiin (Hebr. 11,9) ja Moses birra, gii ceggii goađi siidda olggobeallái (2. Mos 33,7).

 

Lávu cakkit sáhttet ovddastit Áhči, Bártni ja Bassi vuoiŋŋa. Eará lávvomuorat leat olbmot guđet hukset eallimiideaset golbmaoktalašvuođa alde.