Lávus lea dihto juohkin.
Lávu siskkimusas árrana ja loavdaga gaskkas, lea bassi báiki boaššu, mas borramuš ja bassi dávvirat vurkojuvvojedje. Boaššu lea bassi. Árranis lea stuorra, duolba geađgi mii gohčoduvvo boaššogeađgin. Muhtumat dadjat ahte dát geađgi muittuha min man guhkas sáhttit vanahit ovdalgo gudnehuhttit bassi báikki. Boares sámi oskkus lei ipmil Juoksa-áhkká mii suddjii boaššu. Juoksa-áhkká lei bivdoipmil guhte attii bivdolihku bivdiide. Son čuovui bivdiid ja álvvu ruovttoluotta boššui, mas bearráigeahčai álvvu.
Máttaráhka golbma nieidda: Sáráhkká, Juoksa-áhkká ja Uksáhkká ráđđejedje orrunbáikki ja orrunbáikki lagasguovllu eallima badjel. Dát čájeha mo “máilmmálaš ipmilat” ledje čadnon lávvui ja árgabeaieallimii.

 

Bassi latnja

Lávu juohkin bođii das, go ipmilat ledje dehálaččat sámiid árgabeaieallimis, go olbmot boradedje ja ođđe bassi lanjas. Apoastaliid dagut-girjjis muitaluvvo mo vuosttamuš risttalaččat čoagganišgohte. Eai gávdnon girkoviesut. Sii deaivvadedje tempelšiljus ja priváhta ruovttuin. 1800-logu loahpas lágiduvvojedje læstadialaš čoakkalmasaid Divttasvuonas smávvá goađážiin. (Oversetters kommentar: Det står “før århundreskiftet”. Jeg antar at man med dette mener “før år 1900.”)

 

Mo oainnat girku odne? Dovddat go ahte leat ruovttus girkus, vai dovddat go ahte leat guossin Ipmila viesus?

Lávvu lea sihke orrunbáiki, boradanbáiki ja oktasašvuođa báiki. Lávvu addá suoji ja ovddasta olbmuid vádjoleami ja mihttomeari.

 

Biibbalis lohkat johtti álbmogiid birra geat ásse tealttás. Sáhttá earret eará lohkat Abrahama birra gii ásai tealttás Issáhiin ja Jáhkobiin (Hebr. 11,9) ja Moses birra, gii ceggii goađi siidda olggobeallái (2. Mos 33,7).

 

Lávu cakkit sáhttet ovddastit Áhči, Bártni ja Bassi vuoiŋŋa. Eará lávvomuorat leat olbmot guđet hukset eallimiideaset golbmaoktalašvuođa alde.