Bassi vuoigŋa

Golbmaoktalaš Ipmil

Ipmil lea okta, muhto seammás leat golbma. Ipmil, Bárdni ja Bassi vuoigŋa leat dat golbma oasi golbmaoktalašvuođas.

Ipmila dáhttu

Ipmil lea min lahka Bassi vuoiŋŋa bokte. Bassi vuoigŋa lea juohke sajis. Leat risttalažžan lea diktit Bassi vuoigŋa láidestit. Go Biibbala logat, de veahkeha Bassi vuoigŋa du áddet dan maid logat. Go bálvalat Ipmila, de addá Bassi vuoigŋa dutnje searaid ja ráhkesvuođa, roahkasmahttá du ja oahpaha du dan maid dárbbašat máhttit.

Biegga

Eat oainne biekka, muhto gullat biekka šuvvama ja oaidnit muoraid sodjamin go biegga bossu. Boazu lea luonddus sivdniduvvon nu ahte álo johtá biekka vuostá. Ii fal danin go čiđđá biekka, muhto danin go sustima bokte fidne dehálaš dieđuid biekkas. Biegga buktá hájaid boraspiriin ja buriid guohtumiin. Bassi vuoigŋa lea dego biegga, lea oaidnemeahttun, čájeha geainnu ja Ipmil bivdá min gullat dan dieđuide.

Dolla

Hellodatbeaivvi čájehii Bassi vuoigŋa iežas dollanjivžžanassan mat luoitádedje máhtajeddjiid ala. Bassi vuoigŋa orru das gii osku Ipmilii, nu ahte mii buollat Jesusa ovddas.

Duvvá

Go Jesus gásttašuvai, luoitádii Bassi vuoigŋa su ala duvvá hámis. Duvvá lea ráfisymbola. Bassi vuoigŋa addá midjiide ráfi ja hukse min oskku, doaivaga ja ráhkesvuođa.

Lea váttis diehtit juste mo Bassi vuoigŋa lea. Eat sáhte dan oaidnit. Lea daddjon ahte Bassi vuoigŋa dagaha miela rohkadallat, miela bargat buriid earáid ovddas, miela dahkat buriid iežamet birrasis, miela čájehit ráhkesvuođa ja fuola earáid ovddas. Maid máksá Bassi vuoigŋa dutnje?